Psalms 129

¹И҆з̾ глꙋбины̀ воззва́хъ къ тебѣ̀, гдⷭ҇и: гдⷭ҇и, ѹ҆слы́ши гла́съ мо́й.

²Да бꙋ́дꙋтъ ѹ҆́ши твоѝ вне́млющѣ гла́сꙋ моле́нїѧ моегѡ̀.

³А҆́ще беззакѡ́нїѧ на́зриши, гдⷭ҇и, гдⷭ҇и, кто̀ постои́тъ; ꙗ҆́кѡ ѹ҆ тебє̀ ѡ҆чище́нїе є҆́сть.

⁴И҆́мене ра́ди твоегѡ̀ потерпѣ́хъ тѧ̀, гдⷭ҇и, потерпѣ̀ дꙋша̀ моѧ̀ въ сло́во твоѐ: ѹ҆пова̀ дꙋша̀ моѧ̀ на гдⷭ҇а.

⁵Ѿ стра́жи ѹ҆́треннїѧ до но́щи, ѿ стра́жи ѹ҆́треннїѧ да ѹ҆пова́етъ і҆и҃ль на гдⷭ҇а:

⁶Ꙗ҆́кѡ ѹ҆ гдⷭ҇а млⷭ҇ть, и҆ мно́гое ѹ҆ негѡ̀ и҆збавле́нїе: и҆ то́й и҆зба́витъ і҆и҃лѧ ѿ всѣ́хъ беззако́нїй є҆гѡ̀.