Тропарь, кондак и величание Пресвятой Богородице в честь иконы, именуемой «Сукневичская»

Тропарь, глас 4

Преблага́я Ма́ти, Преди́вная Одиги́трие,/ о́браз Твой чудотво́рный на дре́ве яви́ла еси́,/ и сердца́ на́ша ра́дости духо́вныя испо́лнила еси́./ Те́мже яко Всемо́щную Засту́пницу / мо́лим Тя приле́жно, Пречи́стая;/ над земле́ю Бе́лыя Руси́ простри́ Покро́в Твой честны́й,/ и на вся правосла́вныя лю́ди в ней живу́щия/ яко Ма́ти чадолюби́вая ро́су благода́ти Твоея проле́й:// Ты бо еси́ всего́ ми́ра спасе́ние.

Кондак, глас 8

Притецем, ве́рнии, к чу́дному о́бразу Пречистыя Владычицы,/ от негоже бога́тыя ми́лости неоскудно источа́ются:/ зело́ стра́ждущии исцеля́ются,/ ча́ющии получи́ти по́мощь ту́ю обретают/ и вси в ве́ре правосла́вней укрепля́ются./ Сего ради со умиле́нием воззове́м:/ о, Небе́сная Цари́це, Пресла́вная Присноде́во,// моли́ Христа́ Бо́га спастися душам нашим.

Величание

Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим.