Патријархот српски: Верата во живиот Бог е основата на нашиот животпревод

Патријархот српски Порфирије чиноначалствуваше со Божествената Литургија на 28 јуни 2026 година, по повод Видовдан и празникот Свети Лазар Косовски, во манастирот Раваница.

Со него сослужуваа митрополитот Браничевски Игнатије, заедно со свештенството и монаштвото од повеќе епархии на Српската православна црква.

Во својата проповед, Патријархот истакна дека верата во Исус Христос е основата на христијанскиот живот.

„Верата е основата на нашиот живот - не верата во идеја или идеологија, туку верба во нашиот Господ Исус Христос. Верата не е само мислење, туку начин на живот и доверба во Богот на љубовта“, рече тој.

Размислувајќи за наследството на свети кнез Лазар, патријархот Порфирије истакна дека значењето на неговиот избор се протега многу подалеку од историски настан или национална меморија.

„За Црквата, Косовскиот завет е поврзан со Новиот завет во Христа. Тоа е посветеност насочена кон Евангелието и одговор на Христовиот повик да се бара најнапред Царството Божјо“, рече тој.

Патријархот истакна дека Свети Лазар не избрал земно царство или самата смрт, туку вечен живот преку верноста кон Христа.

„Тој ја избра довербата во Христос, кој веќе ја извојува победата за нас.