Патријархот Александриски: „Теолошкиот дијалог не значи напуштање на верата“превод

Меѓународната комисија за англиканско-православен теолошки дијалог (ICAOTD) денеска во Александрија ја започна својата работа, чиј домаќин е седиштето на Александриската и цела Африканска патријаршија, со благослов на патријархот Александриски и цела Африка Теодор II.

Александрија има долга историја на теолошки дијалог и ангажман помеѓу различните христијански традиции. Александриската црква, основана од апостолот и евангелист Марко, историски играла улога во поттикнувањето на комуникацијата меѓу црквите, народите и културите.

Оваа традиција продолжила низ вековите и била поврзана со неколку истакнати личности на патријаршискиот престол на свети Марко, меѓу кои патријархот Кирил Лукарис, патријархот Митрофан Критопулос и патријархот Мелетиос II Метаксакис, како и покојните патријарси Никола VI и Партениј III, од кои вториот станал познат како „Патријархот Дилог“.

Ова наследство продолжува да го обликува пристапот на Александриската Патријаршија кон односите меѓу христијанските цркви и традиции.

Според овој пристап, вистинскиот теолошки дијалог не е дипломатска вежба, туку обид за решавање на прашањата на верата…