Света Гора: Изразуваме „братска поддршка во Христа“ на Синајското братствопревод

Светата заедница на Света Гора објави соопштение во кое ја појасни целта на своето неодамнешно писмо до Братството на Светиот манастир на планината Синај, по извештаите и коментарите што се појавија по објавувањето на писмото.

Според соопштението, одлуката за испраќање на писмото била мотивирана исклучиво од желбата да се изрази „братска поддршка во Христа“ за отците на Светиот манастир на Богогазената Гора Синај.

Светата заедница истакна дека намерно се воздржува од подетално разгледување на оваа тема, изразувајќи надеж за решавање на проблемот на техничко ниво.

„Немаше никаква друга цел или намера, ниту пак може да се припише некоја дополнителна димензија“, се нагласува во соопштението.

Светата заедница додаде дека, по ова експлицитно појаснување, смета дека „нема простор за различни толкувања, политичка експлоатација или задни намери“.

Изјавата доаѓа во време на јавна дискусија околу ситуацијата на историскиот манастир Света Катерина на планината Синај.

Истиот го потпишаа сите претставници и претпоставени на 20-те свети манастири кои учествуваат на заедничкиот собор.