Археолозите го реконструираат античкиот пејзаж околу црквата на Светиот гроб во Ерусалимпревод

Тим археолози предводени од Универзитетот Сапиенца од Рим, Италија, го реконструираа античкиот пејзаж околу црквата на Светиот гроб во Ерусалим.

Сегашната црква е изградена над дел од антички каменолом на ридот Гареб. Откако престанало вадењето на камења, некои области биле приспособени за земјоделска употреба, додека други биле користени за погребување.

Истражувањето го следеше развојот на областа низ неколку историски периоди. Наодите придонесуваат за разбирање на конфигурацијата на локацијата пред да биде изградена христијанската црква во четвртиот век.

Истражувачите идентификувале докази за парцели оградени со ниски ѕидови, во кои била внесена почва за одгледување. Анализите открија остатоци од смокви, грозје и житарки, како и докази за винова лоза и маслинки.

Според тимот археолози од Универзитетот Сапиенца, проектот претставува „прво археоботаничко истражување спроведено во Ерусалим кое опфаќа толку обемна хронолошка низа, од средното железно доба до модерниот период“.

Гробници во поранешниот каменолом Истражувањето ја истакна и погребната употреба на локацијата. Гробниците биле исечени во карпата откриена со вадење камен во време кога…