Ирмо́с: Ве́лия та́йна/ Твоего́, Христе,́ смотре́ия:/ сию́ бо свы́ше прови́дя богозри́тельно, Авваку́м, / изше́л еси́, вопияше Тебе́, / во спасе́ние люде́й Твои́х, Человеколюбче.
Преподобне отче Максиме, моли Бога о нас.
От та́йных ерети́ческих лжеучении́ / ничто́же утаи́ся от тебе́, преподо́бне Макси́ме, / но благода́тию Свята́го и поклоняемаго Ду́ха вся тебе́ открове́на суть.
Преподобне отче Максиме, моли Бога о нас.
Та́инственных догма́тов Правосла́вныя ве́ры/ не то́чию побо́рника и́стинна и ве́рна себе́ показа́,/ но и па́че прео́стра секи́ра/ на вся, и́же под небесе́м, е́реси́ яви́лся еси́.
Сла́ва Отцу́ и Сы́ну и Свято́му Ду́ху.
Я́ко таи́н Свята́го Ду́ха строитель, / и Небе́снаго жи́тельства рачи́тель, и закона Господня учи́тель / вои́стинну показался еси́, прему́дре Макcи́ме.
И ны́не и при́сно и во ве́ки веко́в, ами́нь.
Ве́лию та́инству Моисе́й Богови́дец науче́н, зря купину́ неопали́му: / купина́— немощь челове́ческаго естества́,/ огнь же— Божество́ Единоро́днаго Сына Вышняго, / и́бо Бог наш — огнь есть, пояда́яй грехи́ наша,/ я́коже Боже́ственный апостол рече́.
́