78. Около 1456 г. декабря 7. Его же послание полоцкому епископу Симеону, с выговором за неуважение к нему

Из сборника графа А.С. Уварова № 512 (прежде Царского № 366), л. 227; издано было, по тому же списку, в I-м томе Актов Исторических под № 268. Посыльная от Ионы митрополита к владыке полотскому Симеону, о его смирении и гордости Благословение Ионы, митрополита киевского и всея Руси, о Святом Духе сыну и сослужебнику нашего смирения Симеону, владыке полотскому. Лист твой, сыну, до нас пришел, и о всем на нем познав, подивилися есма, что как нам не по доводу братства твоего к нашему смирению и не по изначалству прежних, твоей братьи, полотских епископов, как то исперва писывали к моей братии, прежебывшим митрополитом, олинь и доныне; а и от тебя то ныне новоначально учинилось и недоуменно нам показася: не вемы убо, еже в глубокую старость и в беспамятиe дошел еси, или забытьем божественных и священных правил, и противяся им, надмением и гордостью поднимался. А вемы, сыну, что же старину знаешь, и божественному писанию искусен ecи, и ведаешь, что же Творец наш Христос Владыка за гордость и ангел своих не пощаде, но и с небес сверже; а нам достойно есть держать смирение, о всем исполнять преданные святыми Отцами божественные заповеди и соблюдая киждо архиепископ и епископ церковную степень, едину по единой, по чипу их, как то из старины предана быша. А посмотри, сыну, сам рассуди: пригодно ли нам святому патриарху писатися «братом», имея на себе его рукополагание? ни, и не буди то: но он, по нашей к нему великой духовной любви, волен, а не должен, к нам, к своим сыновом [и] богомольцам, писатись, как его воля; также и нам к вам писать, а не мы к нему, ни вы, наши дети, к нам, опрочь единого тщеславия и гордости, а паче без ума. А милость Божья на тебе. Писана декабря 7. Вам может быть интересно: