Sărutând mădularele sau rănile Domnului nostru Isus Hristos în fiecare zi
Целование членов, или ран, Господа нашего Иисуса Христа во всякий день
Domeniu public — textul integral este aici.
Радуйся, ужасная всем державам пресвятая главо Господа нашего Иисуса Христа, нас ради тернием увенчанная и тростью избитая.
Радуйся, прекраснейшее лице Господа нашего Иисуса Христа, нас ради оплеванное и биенное.
Радуйтеся, премилостивейшие очи Спасителя нашего Иисуса Христа, нас ради слезами облиянныя.
Радуйтеся, уста и гортани Господа нашего Иисуса Христа, нас ради желчию и оцтом напоенныя.
Радуйтеся, пречестнейшие уши Господа нашего Иисуса Христа, нас ради хуленьми и поношеньми исполненные.
Радуйтеся, смирением украшенная вые Иисуса Христа, Спасителя нашего, нас ради заушенная, и хребте, нас ради избитый и уязвленный.
Радуйтеся, пречистыя руце и рамена Господа нашего Иисуса Христа, нас ради на Кресте распростертыя.
Радуйтеся, пречистыя перси Иисуса Христа, Спасителя нашего, нас ради при Страстех скорби исполненныя.
Радуйся, бок пречистый Господа нашего Иисуса Христа, нас ради копием пространно воинским отверстый.
Радуйтеся, пречистыя колена Иисусовы, нас ради на молитве преклоненныя.
Радуйтеся, многотрудныя пречистые нозе Спасителя нашего, нас ради ко Кресту пригвожденныя.
Радуйся, все Тело Господа нашего Иисуса Христа, Спасителя нашего, нас ради на Кресте обешенное и уязвленное и посем погребенное.
Радуйся, предрагая Крове, яже от Тела Господа Иисуса, Спасителя нашего, есть излиянна.
Радуйся, пресвятая душе Господа нашего Иисуса Христа, нас ради на Кресте в руце Богу и Отцу преданная.
Радуйся, всех Радосте. Аминь.
О Пречистный и Животворящий Кресте Господень! Силою на тебе распятаго Христа укрепи мя на вся видимыя и невидимыя враги, плотскаго и душевнаго соблюдая мя искушения (поклоны).