Thirrja e mëkatarit drejtuar Magdalenës, duke qarë në këmbët e Krishtit
Обращение грешника к Магдалине, плачущей у ног Христовых
Zotërim publik — teksti i plotë këtu.
Уступи, Магдалино! от Христову ногу,
– мне даждь место: аз имам о гресех скорбь многу.
Уже твои скверны слезами очищены
и беззакония ти уже отпущённы.
Аз еще валяюся в греховной тине:
аз хощу у ног Его искати простыне.
Уступи, о жено, от ногу Христову,
да и аз милость Его обрящу готову.
Уже ты их довольно слезами омочила
и прощение грехам твоим получила.
Аз еще хощу Ему упасти на нозе
и, яко грешник, больше рыдати на мнозе.
Уступи, Магдалйно, возлюбившая Христа нелестне
и припадшая к Его святой плесне!
Уже ты до сытости сердце усладила,
лобзанием любезным Тому угодила.
Аз хощу к любимому мне припасти Богу
и лобзать усердно чистую его ногу.
Ответ Магдалинин грешнику
Всем щедр есть Господь наш; всех вмещает нетесно,
всех приемлет, всем рад, всех любит, веждь известно.
Аще бы со всего мира зде притекали люди,
у ног Христа моего нетесно им буди.
Вкупе убо со мною ног Его имися,
аз о моих, о своих ты грехах молися.