Psalms 55

¹Поми́лꙋй мѧ̀, бж҃е, ꙗ҆́кѡ попра́ мѧ человѣ́къ: ве́сь де́нь борѧ̀ стꙋжи́ ми.

³Попра́ша мѧ̀ вразѝ моѝ ве́сь де́нь: ꙗ҆́кѡ мно́зи борю́щїи мѧ̀ съ высоты̀.

⁴Въ де́нь не ѹ҆бою́сѧ, а҆́зъ же ѹ҆пова́ю на тѧ̀.

⁵Ѡ҆ бз҃ѣ похвалю̀ словеса̀ моѧ̑: на бг҃а ѹ҆пова́хъ, не ѹ҆бою́сѧ: что̀ сотвори́тъ мнѣ̀ пло́ть;

⁶Ве́сь де́нь слове́съ мои́хъ гнꙋша́хꙋсѧ: на мѧ̀ всѧ̑ помышлє́нїѧ и҆́хъ на ѕло̀.

⁷Вселѧ́тсѧ и҆ скры́ютъ, ті́и пѧ́тꙋ мою̀ сохранѧ́тъ, ꙗ҆́коже потерпѣ́ша дꙋ́шꙋ мою̀.

⁸Ни ѡ҆ чесо́мъ же ѿри́неши ѧ҆̀, гнѣ́вомъ лю́ди низведе́ши.

⁹Бж҃е, живо́тъ мо́й возвѣсти́хъ тебѣ̀: положи́лъ є҆сѝ сле́зы моѧ̑ пред̾ тобо́ю, ꙗ҆́кѡ и҆ во ѡ҆бѣтова́нїи твое́мъ.

¹⁰Да возвратѧ́тсѧ вразѝ моѝ вспѧ́ть, во́ньже а҆́ще де́нь призовꙋ́ тѧ: сѐ, позна́хъ, ꙗ҆́кѡ бг҃ъ мо́й є҆сѝ ты̀.

¹¹Ѡ҆ бз҃ѣ похвалю̀ глаго́лъ, ѡ҆ гдⷭ҇ѣ похвалю̀ сло́во.

¹²На бг҃а ѹ҆пова́хъ, не ѹ҆бою́сѧ: что̀ сотвори́тъ мнѣ̀ человѣ́къ;

¹³Во мнѣ̀, бж҃е, моли́твы, ꙗ҆̀же возда́мъ хвалы̀ твоеѧ̀:

¹⁴Ꙗ҆́кѡ и҆зба́вилъ є҆сѝ дꙋ́шꙋ мою̀ ѿ сме́рти, ѻ҆́чи моѝ ѿ сле́зъ и҆ но́зѣ моѝ ѿ поползнове́нїѧ: бл҃гоꙋгождꙋ̀ пред̾ гдⷭ҇емъ во свѣ́тѣ живы́хъ. * * * ↑ се́й рѣ́чи не, въ нѣ́кїихъ не и҆мѣ́етсѧ ↑ ті́и пѧ́тꙋ мою̀ наблюда́ти бꙋ́дꙋтъ, ꙗ҆́коже жда́хꙋ дꙋшѝ моеѧ̀ Въ коне́цъ, да не растли́ши, дв҃дꙋ въ столпописа́нїе, внегда̀ є҆мꙋ̀ ѿбѣга́ти