Состанокот во Ватикан испитува зошто младите не сакаат да стапат во бракпревод

ВАТИКАН - Зошто помалку млади луѓе избираат да се венчаат во Католичката црква, и како современото општество ја разбира врската помеѓу сексуалноста, раѓањето и светата тајна на бракот?

Тоа се меѓу прашањата што се разгледуваат на меѓународниот собир за семејството во Ватикан, кој се одржува зад затворени врати до 14 октомври со учество на претседатели на бискупски конференции од целиот свет.

Архиепископот Тимоти Костело, претседател на Австралиската католичка бискупска конференција, во својата презентација во петокот, 9 октомври, рече дека во неговата земја, а можеби и многу други, „концептот за неопходна врска помеѓу сексуалната активност и раѓањето, и важноста на тоа во христијанскиот брак повеќе не е широко разбран или прифатен“.

За да го илустрира проблемот, тој ги наведе забелешките на директорот за верско образование во Западна Австралија, кој е оженет и има тинејџерски деца.

„Многу од нашите млади луѓе наследиле културни претпоставки за сексуалноста кои суштински се разликуваат од оние на Црквата - можеби ја разбираат позицијата на Црквата, но не им е лесно да ја прифатат“, му рекол воспитувачот.