УНЕСКО објави извештај за влијанието на новинарството врз економијата и општествотопревод

УНЕСКО го објави извештајот Вредноста на новинарството, во кој се истакнува придонесот на независното новинарство во економскиот развој, зајакнувањето на националната безбедност и зголемувањето на капацитетот за прилагодување на општеството во услови на дезинформации и кризи.

Извештајот беше претставен во средата на Глобалниот медиумски форум во Бон, Германија. Трудот, на професорот Мел Банс и д-р Бет Пирсон од Сити Сент Џорџ, Универзитетот во Лондон, ги сумира најновите истражувања за улогата на новинарството во економијата, безбедноста и управувањето со кризи и се залага за зголемени инвестиции во независниот печат.

Меѓу заклучоците на извештајот е дека секој долар инвестиран во новинарството може да генерира до 10 долари во јавни придобивки преку намалување на измамите, подобрување на јавните услуги и зголемување на одговорноста на институциите.

Исто така, студија на 152 земји покажа дека поголемиот пристап до слободни медиуми е поврзан со намалување на кршењето на човековите права и помала веројатност за конфликт и репресија.

Придонес за националната безбедност Извештајот исто така нагласува…