Ukrainë: Të paktën 14 të vrarë nga bombardimet ruse në rajonin e Kievitpërkthyer

Të paktën 14 persona kanë vdekur sot në rajonin e Kievit, sipas presidentit ukrainas Volodymyr Zelensky, në prag të samitit të NATO-s në Ankara.

Zelensky pritet të takohet me presidentin amerikan Donald Trump gjatë samitit, me shpresën për t'i dhënë një vrull të ri përpjekjeve për paqen që kanë ngecur më shumë se katër vjet pas shpërthimit të luftës pas pushtimit rus të Ukrainës në shkurt 2022.

Sulmet ruse gjatë natës vranë 11 persona dhe plagosën 64 në Kiev, “përfshirë dy fëmijë”, ndërsa 3 persona u vranë dhe 16 u plagosën në rajonin e Kievit, saktësoi presidenti ukrainas.

Autoritetet në kryeqytetin ukrainas thanë gjithashtu se rreth tridhjetë ndërtesa banimi kishin pësuar dëmtime.

Presidenti ukrainas vuri në dukje se forcat e mbrojtjes ajrore kishin qenë efektive në përgjimin e mjeteve ajrore pa pilot (dronët) dhe raketave lundruese ruse, "por fatkeqësisht jo raketat balistike (të cilat fluturojnë në lartësi shumë më të larta dhe shpejtësi shumë më të mëdha).

Zelensky u bëri thirrje edhe një herë aleatëve të Kievit që t'i sigurojnë atij raketat e nevojshme përgjuese. “Është thelbësore që bota, para së gjithash SHBA-ja dhe partnerët tanë evropianë, të dalin nga samiti i NATO-s në Ankara me…