Украина: Најмалку 14 загинати во руските бомбардирања во регионот на Киевпревод

Најмалку 14 лица загинаа денеска во регионот на Киев, изјави украинскиот претседател Володимир Зеленски, во пресрет на самитот на НАТО во Анкара.

Се очекува Зеленски да се сретне со американскиот претседател Доналд Трамп за време на самитот, со надеж дека ќе им даде нов импулс на мировните напори кои заглавија повеќе од четири години по избувнувањето на војната по руската инвазија на Украина во февруари 2022 година.

Во руските напади во текот на ноќта во Киев загинаа 11 лица, а ранети се 64, „вклучувајќи две деца“, додека 3 лица загинаа, а 16 се ранети во регионот на Киев, прецизираше украинскиот претседател.

Властите во главниот град на Украина, исто така, соопштија дека околу триесет станбени згради претрпеле оштетувања.

Украинскиот претседател истакна дека силите за противвоздушна одбрана биле ефикасни во пресретнување на беспилотни летала (дронови) и руски крстаречки ракети, „но за жал не и балистички ракети (кои летаат на многу поголема височина и многу поголема брзина).

Зеленски уште еднаш ги повика сојузниците на Киев да му ги обезбедат потребните ракети пресретнувачи. „Клучно е светот, пред сè САД и нашите европски партнери, да излезат од самитот на НАТО во Анкара со…