Триесет години од осветувањето на манастирскиот храм „Успение на Пресвета Богородица“ во Ботун

,,Со Твојата доброволна и животворна смрт, Христе, ја разруши вратата на пеколот како Бог, ни го отвори древниот рај и откако воскресна од мртвите, си го избавил нашио живот од гниење.” 1

Почитувани верници,

Оваа година беа одбележани триесет години од осветувањето на манастирскиот храм посветен на Успението на Пресвета Богородица во с. Ботун.

По тој повод, на 13.09.2026 година, во Петнаесеттата недела по Педесетница, на празникот на Полагањето на чесниот појас на Пресвета Богородица, како и на споменот на свети Кипријан, Епископот Картагински, свети Јован, Патријархот Цариградски, и свети Јован, Митрополитот Киевски, во манастирот „Успение на Пресвета Богородица“ во с. Ботун, Општина Дебрца, беше отслужена света архиерејска Литургија, на којашто чиноначалствуваше Неговото Високопреосвештенство, Митрополитот Дебарско-кичевски г. Георгиј.

Покрај многубројниот верен народ, на светата Литургија присуствуваше и градоначалникот на Општина Дебрца, г. Златко Сиљаноски.

На многу години!

Ипакој од Воскресната служба на шести глас. ︎