Средба кај Митрополитот Никола со г. Ромео Георгиев, претседател на Македонското културно уметничко друштво „Јане Сандански“превод

ЗАЕДНО ДА ГО ЗАЧУВАМЕ МАКЕДОНСКИОТ ИДЕНТИТЕТ, ВЕРА И ТРАДИЦИЈА Македонската православна црква - Охридска архиепископија, епархија за Австралија и Нов Зеланд, започнува иницијатива за продлабочување на соработката и зајакнување на врските со македонските културни, спортски и општествени организации, кои со децении посветено придонесуваат за зачувување и афирмација на македонскиот национален, духовен и културен идентитет во Австралија.

За таа цел, Неговото Високопреосвештенство, Митрополитот Австралиско-новозеландски г. Никола, ќе оствари низа средби со претставници на македонските културно-уметнички друштва, фудбалски клубови, здруженија на заедниците и други организации во кои Македонците активно се вклучени, придонесувајќи за негување и промоција на македонската традиција, јазик, култура и национален идентитет.

Главната цел на оваа иницијатива е обединување на македонската заедница околу заедничките вредности, зајакнување на меѓусебната соработка и пренесување на богатото духовно и културно наследство на идните генерации.

Македонската православна црква со векови била и останува духовен чувар на македонскиот народ, неговата вера, јазик, култура и традиција.