†) Свети Јован Златоуст, архиепископ Цариградски и св. Антуза, неговата мајка.превод

Православен календар, 13 ноември Свети Јован Златоуст, архиепископ Цариградски Овој голем учител и светилка на светот е роден во големиот град Антиохија, во 344 година, од праведни родители: неговиот татко се викал Втор и бил заповедник на сириската војска, а мајка му Света Антуза.

Уште од мали нозе го загубил татко му, а мајка му никогаш повеќе не се омажила, иако била многу мала, туку животот го посветила на воспитувањето на своето дете. Се крстил на 20-годишна возраст и со грижа на мајка си ги имал најпознатите учители во Антиохија: Либаниј и Андрагатиј.

Светецот уште од самиот почеток покажал голема љубов кон ораторската наука и вредно се зафатил со учење, така што со острината на својот ум ја научил сета тогашна наука. На ист начин го запознал и Светото Писмо, имајќи двајца значајни ментори: архиепископот Антиохиски свети Мелетиј и Диодор од Тарсус, раководител на школата во Антиохија.

Во Антиохија постоела и христијанска куќа на подвижници, на чело со еден постар сиромав, по име Картерие, каде свети Јован и други млади луѓе како него, згрозени од млак живот, без жртвен дух, давале аскетски завети, од ...