Prifti u vra, pasuar nga rrëmbimet në meshë në Nigeripërkthyer

Dy sulme të dhunshme kundër Kishës Katolike në Nigeri janë kryer në më pak se një javë. Një prift u vra dhe disa ditë më vonë, më 2 gusht, persona të armatosur sulmuan një meshë dhe rrëmbyen disa njerëz.

Sipas agjencisë së Vatikanit Fides, prifti i vrarë ishte At Samuel Opeyemi Oyetoro i Dioqezës së Lokojës në shtetin Kogi.

“Me pikëllim të thellë, por me besim të patundur në ringjalljen e Zotit tonë Jezu Krisht”, më 30 korrik Dioqeza e Lokojës shpalli “kalimin në lavdinë e përjetshme” të Ojetoros.

Detajet e vrasjes u bënë të ditura nga zëdhënësi i policisë së shtetit dhe ndihmës mbikëqyrësi Afusat Oyiza Salihu. “Më 29 korrik 2026, rreth orës 09:30, policia ka marrë informacione për zbulimin e trupit të pajetë të një burri përgjatë rrugës së Kishës në Ajaokuta”, tha Salihu.

Salihu shtoi se policia mbërriti shpejt në vendngjarje dhe konfirmoi se viktima “kishte plagë të rënda me hanxhar në kokë”. Trupi i pajetë u dërgua në Spitalin ASCL, ku u konstatua vdekja e priftit.

Dioqeza e Lokojës në Nigeri njofton "kalimin në lavdinë e përjetshme" të At Samuel Opeyemi Oyetoro. | Kredia: Me mirësjellje të Dioqezës së Lokojës

Sipas Salihut, “hetimi është…