Papa bën thirrje për respekt dhe dashuri ndaj atyre që mendojnë ndryshepërkthyer

VATIKAN - Papa Leo XIV tha të mërkurën se diversiteti i popujve të botës "nuk duhet të konsiderohet si një rrezik apo kërcënim, por më tepër si një burim për pasurim dhe rritje". Ai kritikoi gjithashtu qëndrimet konfrontuese që, nganjëherë, "degjenerojnë në dhunë".

"Konflikti, i cili ndonjëherë degjeneron në dhunë, është rezultat i fuqisë së mëkatit dhe mënyrës se si ai kushtëzon mendësitë dhe veprimet në çdo nivel, duke shkaktuar shkatërrim dhe vdekje," tha ai gjatë audiencës së përgjithshme në Sheshin e Shën Pjetrit.

Ai nënvizoi nevojën për të qenë "gjithnjë e më i hapur ndaj logjikës së reciprocitetit, ndarjes dhe kujdesit, siç është edhe rasti midis anëtarëve të ndryshëm të trupit njerëzor".

Papa vazhdoi kështu serinë e tij katektike kushtuar Gaudium et Spes, kushtetutën baritore mbi Kishën dhe rolin e saj në botën moderne, miratuar nga Këshilli i Dytë i Vatikanit më 7 dhjetor 1965.

Sipas Papa Leos, mesazhi i dokumentit, i cili e konsideron "ndërvarësinë në rritje të njerëzve" si "një nga tiparet e spikatura të botës moderne", është veçanërisht urgjent sot.

Rreziku i delegimit të vendimeve të rëndësishme tek algoritmet Edhe pse zhvillimi i teknologjisë së komunikimit,…