Patriarku Ekumenik viziton Sofjen: Besimi i vërtetë kërkon kungimin, konfirmohet nëpërmjet takimit dhe jeton në unitetpërkthyer

Patriarku Ekumenik Bartolomeu I mbajti një mesazh bekimi në Katedralen Patriarkale "Shën Aleksandër Nevski" në Sofje, ku mori pjesë në shërbim së bashku me patriarkun e Bullgarisë Daniil.

“Besimi i vërtetë kërkon kungimin, konfirmohet nga takimi dhe jeton në unitet. Kjo është pikërisht ajo që bëjmë sot: vizitojmë njëri-tjetrin, dëgjojmë njëri-tjetrin dhe lutemi së bashku, që të mos vrapojmë më kot (krh. Galatasve 2, 2)”.

Vizita e Shenjtërisë së tij në Bullgari u bë me ftesë të Sinodit të Shenjtë të Kishës Ortodokse Bullgare, me rastin e manifestimeve kushtuar 1150-vjetorit të lindjes së Shën të devotshmit Gjon Rilasë, si dhe 1080-vjetorit të kalimit të tij te Zoti.

Në të njëjtën kohë, Patriarku Ekumenik Bartolomeu I kujtoi se pjesëmarrja është e para e këtij lloji që nga zgjedhja e të bekuarit At Daniil si Patriark i Bullgarisë: "Sot vijmë në kohën e frutave, për të parë se si Zoti e bekoi atë që u mboll atëherë me lutje".

“Dy vjet e gjysmë më parë, edhe Kisha në Bullgari u ul si një e ve e pikëlluar pranë shtratit të vdekjes së Patriarkut të saj të denjë. Lotët...