Патријархот Шио III од Грузија го изврши своето прво масовно крштевање (ВИДЕО)превод

Католикос-патријархот Шио III од цела Грузија одржа проповед на 7 јуни 2026 година, по неговата прва церемонија на масовно крштевање во Патријаршиската катедрала Света Троица во Тбилиси, нагласувајќи го длабокото духовно значење на Светото Крштение и одговорноста на христијаните да ја зачуваат неговата благодат во текот на нивниот живот.

Масовната церемонија на крштевање е традиција која стана една од најзначајните пасторални иницијативи на Грузиската православна црква, а особено на покојниот патријарх Гергиски Илија.

Обраќајќи им се на верниците на празникот на сите светци, патријархот Шио го истакна посебното значење на денот, кој се совпадна со уште една рунда масовни крштевки воспоставени од католикос-патријархот Илија Втори. Тој изрази благодарност до Бога за можноста да ја продолжи оваа традиција, која донесе „толку многу радост и благослов“ за Грузија и нејзиниот народ.

Размислувајќи за тајната на Крштевањето, Патријархот потсети на Христовиот разговор со Никодим, во кој Господ поучува дека „ако не се роди од вода и Дух, не може да влезе во Царството Божјо“ (Јован 3:5). Тој истакна дека Крштевањето е суштинската порта во животот на Црквата и Царството на…