Patriarku i Bullgarisë: Hiri i Zotit transformon dhe pastron zemrën e njeriutpërkthyer

Patriarku bullgar Daniel kryesoi Liturgjinë Hyjnore të dielën, më 9 gusht, në kishën historike të Fjetjes së Hyjlindëses në fshatin Zheleznitsa, në rrethin Pançarevo të Sofjes.

Shërbesa, e kremtuar të dielën e dhjetë pas Rrëshajëve, u parapri nga bekimi i kishës së rinovuar, e cila daton në vitin 1870. Patriarku Daniel bashkë me klerikët e Dioqezës së Sofjes, ndërsa në shërbim morën pjesë besimtarë të shumtë nga Zheleznitsa dhe rrethina.

Në predikimin e tij, Patriarku reflektoi mbi festën e fundit të Shpërfytyrimit të Krishtit dhe rrëfimin ungjillor të shërimit të djalit të pushtuar nga demonët, duke theksuar se transformimi shpirtëror është një proces gradual i mundësuar nëpërmjet hirit hyjnor.

"Shenjterimi i shpirtrave dhe trupave tanë bëhet pikërisht nëpërmjet veprimit të hirit të Zotit," tha Patriarku Daniel, duke vënë në dukje se shërimi nga mëkati nuk është as "formal dhe as mekanik", por kërkon një luftë të vazhdueshme shpirtërore kundër pasioneve, egoizmit, urrejtjes, zemërimit dhe mëkateve të tjera.

Ai theksoi rëndësinë e pendimit, agjërimit, lutjes, rrëfimit dhe pjesëmarrjes në Eukaristinë e Shenjtë, duke shpjeguar se nëpërmjet këtyre…