Patriarkana e Antiokisë: Në fokus të Sinodit të Shenjtë është prania e krishterë në Lindjen e Mesmepërkthyer

Nën kryesinë e Fortlumturisë së Tij Patriarkut të Antiokisë, z. Gjon, Hierarkët e Sinodit të Shenjtë të Patriarkanës vazhduan punën në ditën e pestë dhe të fundit të saj. Diskutimet u fokusuan në situatën e përgjithshme në Liban dhe në rajon më gjerë. Në takim morën pjesë disa të ftuar, përfshirë nënkryetarin e Parlamentit të Libanit, Elias Bou Saab, deputetët Ghassan Hasbani, Fadi Karam, George Atala, Melhem Khalaf, Antib Abdel Masih, Sazi Atieh dhe Elias Estefan, si dhe Presidenti i Universitetit të Balamadit, Dr. Elias Warak. Gjatë takimit u shqyrtua gjendja e përgjithshme në vend dhe sfidat me të cilat përballen njerëzit e tij.

Të pranishmit nënvizuan rëndësinë e nxitjes së dialogut dhe bashkëpunimit ndërmjet intelektualëve dhe liderëve politikë, në një mënyrë që i shërben interesit kombëtar dhe forcon vlerat e bashkëjetesës dhe unitetit kombëtar. Ata siguruan se Kisha Ortodokse e Antiokisë – e cila mori besimin e krishterë drejtpërdrejt nga Apostujt, ruajti trashëgiminë e besimit dhe ua transmetoi atë besimtarëve të saj ndër breza – mbeti…