Јордан: Виновниците за смртоносниот напад на православната црква во Карак се осудени на смрт со бесењепревод

Правдата во Јордан денеска осуди на смрт со бесење тројца мажи кои беа прогласени за виновни за смртоносниот напад на грчката православна црква во губернијата Карак, во јужниот дел на земјата, во кој загинаа 9 лица, а 25 беа повредени. „Судот за државна безбедност утринава ја донесе пресудата, со која се осудени на смрт тројцата мажи кои го извршија нападот во областа Хамуд во Карак на 23 октомври“, се вели во соопштението на јорданската војска.
Тројцата мажи се прогласени за виновни за „терористички дејствија кои предизвикуваат смрт“, „поседување оружје и муниција со намера да извршат напади“ и „заговор за извршување терористички акти и промовирање идеи за терористичка организација“, се додава во соопштението.
Според војската, осудените можат да се жалат на одлуката до врховниот суд.
Девет лица загинаа, а 25 се повредени во овој невиден напад врз христијаните во Јордан, извршен од тројца вооружени лица во селото Хамуд.
Насилниците упаднале во просториите на грчката православна црква Агиос Георгиос и отвориле оган врз верниците кои...



