Порака на Неговото Високопреосвештенство Митрополитот Етолиско-Акарнаниски и Дамаскин за празникот Свети Нектаријпревод

Мои сакани татковци и браќа,

Возљубени мои деца во Господа,

Нашата Црква денеска свечено го чествува споменот на свети Нектариј, епископ Пентаполис, чудотворецот, светецот на нашиот век, како што го нарекуваат. Роден е во 1846 година во Силиврија, Тракија. На 14-годишна возраст заминал во Цариград, каде што работел како чиновник, а подоцна и како педагог во училиштето Метохија на Светиот гроб. Во 1876 година се замонашил во Новиот манастир во Хиос со името Лазар и бил ракоположен за ѓакон, по име Нектариј.

Во 1881 година дошол во Атина, каде што на сметка на Александрискиот патријарх Софрониј IV, студирал теологија и по хиротонирањето за старешина, бил патријаршиски комесар во Каиро.

Во 1889 година бил ракоположен за митрополит Пентаполис. Неговата постапка како митрополит беше неверојатна и поради него беше главен кандидат за Александрискиот патријаршиски трон. Меѓутоа, поради завидливи обвинувања и валкани клевети против патријархот Софрониј, смирениот Нектариј, за да не го ожалости стариот патријарх, се вратил во Грција.

Бил проповедник на Евија, Фтиотид, Фокидос и директор на црковното училиште Ризарео. Св...