„Откривање на невиденото“: Изложба на византиски икони од Солун и Патмос во Музејот на Библијата во Вашингтонпревод

Во Музејот на Библијата во Вашингтон беше отворена специјална изложба посветена на византиската уметност и грчката православна христијанска традиција, под наслов „Откривање на невиденото: византиски икони од Солун и Патмос“. Изложбата вклучува 24 скапоцени византиски икони од два историски грчки манастири, кои се поврзани со Библијата и се прогласени за светско наследство на УНЕСКО поради иконите и ракописите што ги содржат.

Тоа се манастирот Влантадон во Солун, градот каде што проповедал апостол Павле и манастирот Свети Јован Богослов во Патмос, каде што апостол Јован ги примил визиите на Апокалипсата.

24-те икони за првпат патуваат во САД, што е овозможено благодарение на соработката на Музејот на Библијата со Вселенската патријаршија, во чија духовна јурисдикција припаѓаат двата манастира, како и со грчкото Министерство за култура.

На отварањето пораки упатија вселенскиот патријарх Вартоломеј, министерот за култура на Грција Линас Мендонис, епископот Амориос Никифорос, игумен на Светата Патријаршија и Ставропигијан...