Спомен на свештеномаченик автоном, епископ во Италијапревод

Православната црква денеска го слави Аподосот (Оставилиштето) на Рождеството на Богородица и го одбележува мачеништвото на свештеномаченикот Автоном († 313), на маченикот Теодор Александриски, на маченикот Океан и на мачениците Македониј, Татјан и Теодул (4 век, Фригија).

Свети Автоном бил епископ во Италија и бил посветен на својата апостолска должност. За време на гонењето на христијаните под царот Диоклецијан (284-305), свети Автоном ја напуштил својата земја и се преселил во Сореус во Мала Азија. Таму се населил во домот на еден христијанин Корнелиј и продолжил да го проповеда Светото Евангелие.

Потоа отпатувал во Ликаонија и Исаурија каде што проповедал за Христа. Пред неговото патување, тој го ракоположи Корнелиј за ѓакон. Кога се вратил кај Сореус и го видел одличното пасторално дело што го извршил, го ракоположил Корнелиј за свештеник, а потоа и за епископ.

Величественото дело на свети Автоном ги налутило незнабошците, кои го каменувале до смрт додека свети Автоном служел Божествена Литургија во храмот.

Извор: Кипарска црква