Грчкиот претседател ја прими Амал Аламудин во Претседателската палатапревод

Претседателот на Република Грција, Константин Тасулас, во четвртокот, во 12:00 часот, ја прими британско-либанската адвокатка и застапник за човекови права Амал Аламудин Клуни, истакнувајќи го нејзиниот значаен придонес во промовирањето на грчките позиции за повторно обединување на скулптурите на Партенон.

Средбата се одвиваше во топла и срдечна атмосфера, при што Аламудин се осврна на нивната претходна средба во 2014 година во Министерството за култура и му честиташе на Тасулас за преземањето на неговата нова должност како претседател на Републиката.

Таа, исто така, топло зборуваше за нивната соработка во тој период, додека Тасулас и го подари печатеното издание на правното мислење што го подготвила пред 12 години заедно со уште двајца угледни правници за барањето и враќањето на скулптурите на Партенон. Тој истакна дека мислењето помогнало да се мобилизира и директно да се вклучи меѓународната јавност во ова прашање.

Аламудин зборуваше и за големата вредност на размената на културните богатства, особено осврнувајќи се на историската таписерија Баје, која, според меѓувладин договор, беше пренесена од Франција и е изложена во Британскиот музеј за прв пат по речиси 1.000 ...