Грција одобри 10-годишна програма за обновување и дигитализирање на наследството на Ерусалимската патријаршијапревод

Грчката држава ќе ја поддржи реставрацијата, конзервацијата и дигитализацијата на наследството на Ерусалимската Патријаршија во следните десет години според меморандумот за соработка склучен со Министерството за надворешни работи и Министерството за култура на Грција.

Документот беше потпишан во Атина во јуни 2026 година и беше ратификуван од грчкиот парламент минатата недела преку предлог-законот на Министерството за култура усвоен со мнозинство гласови. Договорот ќе остане во сила десет години и може да биде продолжен по заедничка проценка на неговата имплементација.

Соработката ги опфаќа Светите места на аџилак, црквите и монашките установи, уметничките дела и светите предмети и збирките на Историскиот архив и Патријаршиската библиотека.

„Фактор на стабилност, континуитет и умереност“ Грчката министерка за култура Лина Мендони ја истакна историската и духовната улога на Ерусалимската патријаршија во Светата земја.

„Ерусалимската Патријаршија е најстарата христијанска институција во Светата Земја. Таа со векови ги чувала Светите места, давала духовно водство на верниците и гарантирала непречено присуство на православието и хеленизмот во регионот каде што ...