Patriarku Ekumenik: Transformimi i vërtetë fillon në zemrën e njeriutpërkthyer

Festa e Shpërfytyrimit të Zotit u kremtua me solemnitet të enjten, më 6 gusht, në Manastirin historik Patriarkal dhe Stavropegjial të Shpërfytyrimit në Prinkipo, më i madhi nga Ishujt e Princave, ku Patriarku Ekumenik Bartolomeu kryesoi Liturgjinë Hyjnore.

Midis të pranishmëve ishin Patriarku Armen i Turqisë Sahak II, Kryepeshkopi Nektarios i Anthedonit, Përfaqësuesi i Patriarkanës së Jeruzalemit në Kostandinopojë, një grup arkonësh të Fronit Ekumenik, pelegrinët e rinj nga Shtetet e Bashkuara dhe besimtarë të shumtë.

Pas Liturgjisë Hyjnore, Patriarku Ekumenik bekoi rrushin tradicional të festës dhe ua shpërndau besimtarëve përpara se të kryente një shërbesë Trisagion në varrin e bamirësit të ndjerë Simeon Siniosoglou, në shënimin e 120-vjetorit të pushimit të tij.

Në predikimin e tij, Patriarku Bartolomeu theksoi rëndësinë shpirtërore të festës së Shndërrimit, duke thënë se “transformimi i vërtetë fillon në zemrën e njeriut dhe bëhet dritë për ata që na rrethojnë”.

Ai vuri në dukje se Krishti nuk erdhi thjesht për të ofruar mësime morale apo ide filozofike, por për të rinovuar njerëzimin dhe të gjithë…