Вселенскиот патријарх ги кочи амбициите на Ерусалимскиот патријархпревод

Од Ефи Ефтимиу

Вселенскиот патријарх Вартоломеј ги покани патријарсите од Александрија, Антиохија и Ерусалим на братски собир во Фанарот на 30 ноември, на денот на празникот на апостол Андреј, заштитник на црквата во Константинопол.

Поканата беше упатена во неодамнешното писмо напишано на англиски јазик, во кое се предлага состанок на четирите древни патријаршии - Константинопол, Александрија, Антиохија и Ерусалим - за да се решат важните и итни предизвици со кои моментално се соочува Црквата и верниците.

Иницијативата на Вселенскиот Патријарх е особено значајна со оглед на нејзиниот тајминг. Покрај украинското прашање, кое во последните години предизвика тензии во православната црква, расте загриженоста за христијанското население на Блискиот Исток.

Драматичните случувања во регионот каде што се роди и се шири христијанството остануваат во центарот на меѓународното внимание, особено поради ризиците и предизвиците со кои се соочуваат неговите христијански заедници кои постојано се намалуваат.

Преку оваа средба, Вселенскиот Патријарх се обидува да пренесе порака за сплотеност и единство меѓу Црквите, особено во ова критично време и во услови на тензии што ги има…