Грчката црква изразува поддршка за заедниците погодени од разорните шумски пожарипревод

Светиот синод на Црквата на Грција ја изрази својата длабока тага поради разорните шумски пожари кои моментално зафаќаат неколку делови од земјата, истовремено ветувајќи ја својата поддршка за погодените од пожарите.

Митрополитот Полјански и Кукуш Вартоломеј, портпарол на Постојаниот свет синод на Црквата на Грција, во петокот издаде изјава во врска со тековната криза со шумските пожари.

„Светиот синод на Црквата на Грција ја изразува својата длабока тага поради разорните пожари што зафатија различни региони на нашата татковина, како и солидарноста со нашите браќа и сестри кои беа погодени од пожарите“, се вели во соопштението.

Светиот синод, исто така, изрази искрено сочувство и молитвена поддршка до семејствата на тројцата пожарникари кои ги загубија животите додека се бореле со пожарите.

Воедно упати молитви за припадниците на Противпожарната служба кои продолжуваат да се борат со пожарите, пофалувајќи ја нивната саможртва во заштитата на човечкиот живот и природната средина.

Архиепископот Атински и цела Грција Иеронимос бил во контакт со митрополитите од огнот погодените региони и ја пренел подготвеноста на Црквата да им помогне на погодените…