Bartolomeu dhe Danieli në Sofje: Lutje për paqe dhe thirrje për dialogpërkthyer

Patriarku Ekumenik Bartolomeu dhe Patriarku Daniel i Bullgarisë dhanë mesazhe paqeje, uniteti dhe dialogu të dielën, më 18 tetor 2026, me të mbërritur në Katedralen Patriarkale të Shën Aleksandër Nevskit në Sofje, ku morën pjesë në një Liturgji Hyjnore të përbashkët.

Dy primatët theksuan nevojën për paqe në mbarë botën, si dhe rëndësinë e komunikimit dhe bashkëpunimit për tejkalimin e dallimeve.

Duke folur për gazetarët, Patriarku Ekumenik shprehu gëzimin e tij për kthimin në Bullgari me ftesë të Patriarkut Daniel dhe Sinodit të Shenjtë të Kishës Ortodokse Bullgare.

“Kam kënaqësinë të vizitoj edhe një herë Bullgarinë, vendin tuaj të bukur dhe mikpritës”, tha ai, duke theksuar lidhjet vëllazërore që ka zhvilluar me Patriarkun bullgar gjatë takimeve të tyre të fundit në Turqi.

Patriarku Bartolomeu vuri theks të veçantë mbi nevojën për paqe, duke vënë në dukje se lutjet e tyre në katedrale do të përqendroheshin në paqen botërore dhe unitetin e kishave.

“Sot, në Katedralen e mrekullueshme të Shën Aleksandër Nevskit, do të lutemi për paqe në mbarë botën. Në këtë moment bota ka nevojë urgjente për paqe”, tha ai.