Apostolos Siskos pas medaljes së Kampionatit Evropian: “Theotokos bëri mrekullinë e saj”përkthyer

Notari grek Apostolos Siskos dha një paraqitje të jashtëzakonshme në Kampionatin Evropian, duke fituar medaljen e tij të dytë të garës, ndërsa vendosi një rekord të ri kombëtar grek mbresëlënës në 200 metra shpinë me kohën 1:54.13.

Duke folur për ERT pas garës, Siskos shprehu emocionin e tij për arritjen dhe e lidhi suksesin e tij me festën e Fjetjes së Hyjlindëses.

"Sot është festa e Hyjlindëses. Urimet më të mira për të gjithë grekët. Ajo bëri mrekullinë e saj," tha Siskos, duke festuar si medaljen e tij ashtu edhe rekordin e ri kombëtar.

Kampioni grek ia kushtoi arritjen e tij edhe atdheut të tij dhe zjarrfikësve dhe të tjerëve që luftojnë me zjarret në Greqi.

"Unë e solla këtë medalje në shtëpi për vendin tim, për zjarrfikësit dhe për të gjithë ata që luftojnë një betejë të jashtëzakonshme kundër zjarreve," tha ai.

Siskos tërhoqi një paralele midis përpjekjeve të atyre në vijën e parë të zjarreve dhe sfidave me të cilat përballen atletët në garë.

"Ata po luftojnë betejën e tyre, dhe ne po luftojmë tonën," shtoi ai.

përktheu: Konstantinos Menyktas