Ирмо́с: В пла́мени о́гненне горя́щия пе́щи/ сохра́ншаго дети и во зра́це Ангела снизше́дшаго к ним,/ по́йте Господа и превозноси́те Его во веки.
Преподобне отче Максиме, моли Бога о нас.
Пла́мене Боже́ственнаго Паракли́това облиста́ния возжеле́в, преподобие Максиме,/ сего́ ра́ди и сладча́йшим све́том уче́ния и чуде́с огне́м/ отгна́л еси́ вся́кий мрак бесо́вский.
Преподобне отче Максиме, моли Бога о нас.
Пла́мене гее́ннскаго бе́гати лю́ди научи́л еси́, преподо́бне Макси́ме, / сих призыва́я делом соверша́ти за́поведи Христо́вы / и отступи́ти зло́бы, блуда́, лжи, го́рдости, льсти и хище́ния непра́веднаго чужи́х име́ний.
Сла́ва Отцу́ и Сы́ну и Свято́му Ду́ху.
Пла́менно нече́стие ерети́ческое попалил еси́, прему́дре Макси́ме, / ве́ры же христиа́нския непоро́чныя Боже́ственное испове́дание изъясни́в.
И ны́не и при́сно и во ве́ки веко́в, ами́нь.
В пла́мени о́гненне горящия купины́ ви́де Тя Моисе́й Богови́дец, / провозвести́в безсе́менное рождество́ Твое́, Де́во Пречи́стая,/ сего́ ра́ди и нас плотски́х страсте́й свободи́.