Ирмос: Седмери́цею пещь/ халд́ейский мучитель/ богочести́вым неи́стовио разжж́е,/ си́лою же лу́чшею спасе́ны, сия́ видев,/ Творцу́ и Изба́вителю вопия́ше:/ о́троцы, благослови́те,/ свяще́нницы, воспо́йте,/ лю́дие, превозноси́те во вся ве́ки.
Преподо́бне о́тче Афана́сие, моли́ Бо́га о нас.
Ю́ношески побежда́я нача́ла, Афана́сие, и вла́сти тьмы,/ вели́к учи́тель был еси́ и наста́вник спаси́тельный,/ наве́ты, и ла́яния, и ле́сти тех открыва́я,// ста́до твое́ всего́ де́монов злоде́йствия невреди́мо соблюда́я.
Преподо́бне о́тче Афана́сие, моли́ Бо́га о нас.
На земли́ я́ко челове́к ходя́, житие́ на Небесе́х я́ко вои́стинну стяжа́л еси́,/ А́нгелом собесе́дник я́влься, житие́ и жи́знь соверша́я о́нех,/ с ни́миже воспева́еши ны́не:// свяще́нницы благослови́те, лю́дие, превозноси́те Христа́ во ве́ки.
Благослови́м Отца́, и Сы́на, и Свята́го Ду́ха, Го́спода.
Тя, соше́дшеся днесь, досто́йно хва́лим и моще́й твои́х чтим ра́ку,/ страсте́й избавле́ние, согреше́ний оставле́ние,/ вся́кия напа́сти и обстоя́ния разреше́ние прося́ще моли́твами твои́ми,// святу́ю твою́ па́мять ве́рно и ра́достно соверша́юще во ве́ки.
И ны́не и при́сно и во ве́ки веко́в, ами́нь.
Я́коже Илия́ пе́рвее в Карми́ле всели́ся,/ та́ко и ты, в горе́ Афо́нстей упражня́яся, возжела́л еси́ осо́бь бы́ти с Бо́гом/ и, богонача́льными озари́вся виде́нии,/ уго́дник яви́лся еси́ Чи́стей Богоро́дице,// вопия́ Ей: ра́дуйся, – со Арха́нгелом.