Многоми́лостиве и Преми́лостиве Го́споди и всего́ добра́ Да́телю, Человеколю́бче, и всея́ вселе́нныя Царю́, многоимени́тый Влады́ко и Го́споди! Нищ и убо́г есмь аз, дерза́ю призыва́ти чу́дное и стра́шное, и свято́е и́мя Твое́, eго́же вся тварь Небе́сных Сил стра́хом трепе́щут. Ни́зу на земли́ неизрече́ннаго Твоего́ человеколю́бия смотре́ние удиви́л еси́, посла́нием возлюбле́ннаго Твоего́ О́трока, Его́же от безнача́льных недр Твоея́ Оте́ческия сла́вы, неразлу́чным Божество́м отры́гнул еси́, да челове́ки со А́нгелы во еди́н соста́в устро́ит. Помяни́, Го́споди, моего́ уны́ния смире́ние; кал сый и персть, Тебе́, неизглаго́ланнаго Све́та призыва́ю, не́мощию пло́ти обложе́н, ю́же ми́лостивне Сло́во Твое́ понесе́, и сме́ртию Свое́ю от рабо́ты вра́жия свободи́л есть ду́шы на́ша, да о́бщники вся, и́же ве́рою яре́м рабо́ты Твоея́ на ся взе́мшыя, сла́вы Твоея́ сподо́бит их, от нея́же сатана́ льсти́вый отпаде́. Поми́луй мя, омраче́ннаго грехо́вными по́мыслы, возведи́ ум мой уда́вленный те́рнием ле́ности и ляди́ною непоко́рства. Утверди́ се́рдце мое́ по Тебе́ горе́ти, очи́ма мои́ма исто́чник слез посли́, и на коне́ц исхо́да души́ моея́ сотвори́ мя безпоро́чна Твоего́ уго́дника, наста́вляя мя к Тебе́ подвиза́тися усе́рдно. Помяни́, Го́споди, роди́тели моя́ милосе́рдием Твои́м и вся бли́жния моя́, и бра́тию, и дру́ги, и сосе́ды, и вся правосла́вныя христиа́ны, и спаси́ мя моли́твами всех святы́х. И приими́ в честь сия́ псалмы́ и моли́твы, я́же глаго́лах пред Тобо́ю за ся, и не ме́рзко Ти бу́ди с воздыха́нием моле́ние сие́, я́ко ми́лостив Сый и Человеколю́бец, и Тебе́ Безнача́льнаго Отца́ сла́вим со Единоро́дным Твои́м Сы́ном и со Святы́м Ду́хом, ны́не и при́сно, и во ве́ки веко́в. Ами́нь.
Многомилостивый и Премилостивый Господи и всего доброго Податель, Человеколюбец и Царь всей вселенной, многоименный Владыка и Господи! Я, нищий и бедный, дерзаю призывать чудное, и страшное, и святое имя Твоё, пред которым все сотворённые Тобою Силы Небесные со страхом трепещут. Внизу, на земле, Ты дивно явил промысл неизреченного Твоего человеколюбия, послав возлюбленного Отрока Твоего, Которого родил Ты из безначальных недр Твоей Отеческой славы, не разлучившись с Ним по Божеству, чтобы Он людей с Ангелами в одно собрание соединил. Вспомни, Господи, унижение моё от уныния! Я, грязь и прах, призываю Тебя, Невыразимый Свет! Облечён я немощью плоти, но её по милости Своей приняло Слово Твоё и Своей смертью освободило души наши от рабства врагу, дабы всех, верою взявших на себя иго служения Тебе, удостоить приобщения славе Твоей, от которой отпал лживый сатана. Помилуй меня, омрачённого греховными помыслами, воздвигни ум мой, заглушённый тернием лености и зарослями непокорности. Утверди сердце моё к Тебе гореть, очам моим пошли источник слёз и в конце, при исходе души моей, сделай меня Тебе угодным без порока, наставляя меня ради Тебя подвизаться усердно. Вспомни, Господи, по милосердию Твоему родителей моих и всех ближних моих, и братьев, и друзей, и соседей, и всех православных христиан и спаси меня по молитвам всех святых. И прими в честь эти псалмы и молитвы, которые я произносил пред Тобою за себя, и да не будет Тебе мерзко это моление с воздыханием, ибо Ты Милостив и Человеколюбец, и Тебя, Безначального Отца, славим с Единородным Твоим Сыном и со Святым Духом ныне, и всегда, и во веки веков. Аминь.
Посем Честне́йшую Херуви́м и сла́внейшую без сравне́ния Серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Честью высшую Херувимов и несравненно славнейшую Серафимов, девственно Бога-Слово родившую, истинную Богородицу – Тебя величаем.
Слава, и ныне: Го́споди, поми́луй (3). Благослови́.
Слава, и ныне: Господи, помилуй (3). Благослови.
Аще иерей, кончает священнически, аще ли простый, кончает сице:
Священник произносит отпуст, а мирянин кончает так:
Го́споди Иису́се Христе́, Сы́не Бо́жий, моли́тв ра́ди Пречи́стыя Твоея́ Ма́тере, си́лою Честна́го и Животворя́щаго Креста́ и святы́х Небе́сных Сил безпло́тных, и преподо́бных и богоно́сных оте́ц на́ших, и свята́го проро́ка Дави́да, и всех святы́х, поми́луй и спаси́ мя, гре́шнаго, я́ко Благ и Человеколю́бец. Ами́нь.
Господи Иисусе Христе, Сын Божий, по молитвам Пречистой Твоей Матери, силою Священного и Животворящего Креста, святых Небесных Сил безплотных, преподобных и богоносных отцов наших, святого пророка Давида и всех святых помилуй и спаси меня, грешного, как Благой и Человеколюбец. Аминь.
1 Источник перевода псалмов: Е.Н. Бирукова, И.И. Бируков. Псалтирь пророка и царя Давида, перевод на русский язык