Ирмо́с: От но́щи у́тренююще, пое́м Тя, Христе́,/ Отцу́ Собезнача́льна и Спа́са душ на́ших,/ мир ми́рови пода́ждь, Человеколю́бче.
Преподобне отче Максиме, моли Бога о нас.
Но́щию луна́, днем со́лнце просвеща́ют и весели́т тварь всю ви́димую,/ житие́ же и прему́дрость святы́х просвеща́ют и веселя́т ду́ши всех челове́ков,/ хотя́щих спасти́ся и в ра́зум и́стины приити́. / Си́це и писа́ния преподо́бнаго Максима Гре́ка, и́ко богодухнове́нныя труды́, велегла́сно вопию́т.
Преподобне отче Максиме, моли Бога о нас.
В нощи́ моля́щуся тебе́ в темни́це, / Богонача́льныя и Преблаги́я Тро́ицы про́мыслом внем А́нгел Госпо́день и ре́че: / о ста́рче! Си́ми му́ками избу́деши ве́чных мук.
Сла́ва Отцу́ и Сы́ну и Свято́му Ду́ху.
В нощи́, я́ко сладкогла́сный и добропе́снивый сла́вий,/ воспе́л еси́, прему́дре Макси́ме:/ не тужи́, не скорби́, ниже тоску́й о ни́хже,— / любе́зна ми душе́,—/ стра́ждеши без пра́вды,/ твоя́ бо мзда вел́ия на Небесе́х.
И ны́не и при́сно и во ве́ки веко́в, ами́нь.
От но́щи у́тренююще, пое́м Тя, Де́во,/ Дщерь Царе́ву, ря́сны златы́ми оде́яну и преиспещре́ну, / ле́ствицу, юже Иа́ков ви́де, / го́ру, ю́же благоволи́ Бог жи́ти в неи́, и́бо Господь всели́тся до конца́.