Госпо́дь дае́т мне язы́к науче́ния, е́же разуме́ти, егда́ подоба́ет рещи́ сло́во: положи́ мя у́тро у́тро, приложи́ ми у́хо, е́же слы́шати. И наказа́ние Госпо́дне отверза́ет у́ши мои́, аз же не проти́влюся, ни противоглаго́лю. Плещи́ мои́ вдах на ра́ны, и лани́те мои́ на зауше́ния, лица́ же моего́ не отврати́х от студа́ заплева́ний. И Госпо́дь, Госпо́дь Помо́щник ми бысть: сего ра́ди не усрами́хся, но положи́х лице́ свое́ а́ки тве́рдый ка́мень, и разуме́х, я́ко не постыжду́ся. Зане́ приближа́ется оправда́вый мя: кто пря́йся со мно́ю? Да сопротивоста́нет мне ку́пно: и кто судя́йся со мно́ю? да прибли́жится ко мне. Се Госпо́дь Госпо́дь помо́жет ми: кто озло́бит мя? Се вси вы, я́ко ри́за обетша́ете, и я́ко мо́лие изъя́ст вы. Кто в вас боя́йся Го́спода? Да послу́шает гла́са о́трока Его́: ходя́щии во тьме, и несть им све́та, наде́йтеся на и́мя Госпо́дне, и утверди́теся о Бо́зе. Се вси вы огнь раждиза́ете, и укрепля́ете пла́мень: ходи́те све́том огня́ ва́шего и пла́менем, его́же разжего́сте: мене́ ра́ди бы́ша сия́ вам, в печа́ли у́спнете.
Чтение пророчества Исаии [50:4–11]
Господь даёт Мне язык наставления, чтобы Я знал, как надо говорить слово, каждое утро Он направляет, направляет Моё ухо, чтобы Я слушал. И наставление Господне открывает Мои уши, и Я не противлюсь и не противоречу. Спину Мою Я предал на раны и щёки Мои на пощёчины, лица же Моего не отвращал от постыдных оплеваний. И Господь, Господь был помощником Мне, поэтому Я не стыдился, но держал лицо Своё, как твёрдый камень, и знал, что не останусь в стыде, ибо близок Оправдывающий Меня. Кто захочет состязаться со Мной? Пусть предстанет передо Мной. И кто хочет судиться со Мной? Пусть подойдёт ко Мне. Вот Господь, Господь поможет Мне, кто уничтожит Меня? Вот, все вы, как одежда, обветшаете, и как бы моль поест вас. Кто из вас боится Господа? Пусть слушает голос Отрока Его. Ходящие во тьме и не имеющие света, надейтесь на имя Господне, и вы утвердитесь в Боге. Вот, все вы огонь разжигаете и усиливаете пламя; ходите по жару огня вашего и по пламени, которое разожгли. Это будет вам ради Меня: в печали умрёте.