Ирмо́с: Седя́й в сла́ве на Престо́ле Божества́ во о́блаце ле́гце, прíиде Иису́с Пребоже́ственный, Нетле́нною Дла́нию и спасе́ зову́щия: сла́ва, Христе́, си́ле Твое́й.
Пресвята́я Богоро́дице, спаси́ нас.
Злы́й сове́т лати́нов на жре́бий Тво́й, наше́дших иногда́, разруши́ла еси́, Богоро́дице, и со студо́м во своя́ си возврати́тся и́м сотвори́ла еси́, благоче́стия же ра́ди пострада́вшия от ни́х рабы́ Твоя́, венце́в сла́вы сподо́била еси́.
Пресвята́я Богоро́дице, спаси́ нас.
Оби́тель Зогра́фская дне́сь све́тло торжеству́ет, и пра́зднество сотворя́ет честне́й ико́не Твое́й, е́юже, Богома́ти, заблужде́ние лати́н изобличи́ла еси́, и наше́ствие и́х предвозвести́ла еси́.
Слава:Не то́кмо оби́тель Зогра́фская, но и вся́ гора́ А Фо́нская прославля́ет Тя́, Богома́ти, я́ко не попусти́ла еси́ латиному́дрствующим вознести́ на ню́ ро́г сво́й, и Правосла́вие в не́й до ны́не неврежде́нно сохрани́ла еси́.
И ныне: Якоже корабле́ц в пучи́не, та́ко и Це́рковь Сы́на Твоего́, Влады́чице, коле́блема е́сть бу́рею разли́чных ересе́й, но в ти́хое приста́нище ве́чнаго спасе́ния упра́ви ю́, многомо́щными Твои́ми к Бо́гу моли́твами.