Во имя Отца и Сына и Святаго Духа. Аминь.
__________
Господи Иисусе Христе, Сыне Божий, помилуй мя грешного.
__________
Слава Тебе, Боже наш, слава Тебе.
__________
Царю Небесный, Утéшителю, Дýше истины, Иже везде сый и вся исполняяй, сокровище благих и жизни Подателю, приииди и вселися в ны и очисти ны от всякия скверны, и спаси, Блаже, души наша.
__________
Святый Боже, Святый крепкий, Святый бессмертный, помилуй нас (трижды).
__________
Слава Отцу и Сыну и Святому Духу, и ныне и присно и во веки веков. Аминь.
__________
Пресвятая Троице, помилуй нас: Господи, очисти грехи наша, Владыко, прости беззакония наша, Святый, посети и исцели немощи наша, имени Твоего ради.
__________
Господи помилуй, Господи, помилуй, Господи, помилуй.
__________
Слава… и ныне…
__________
Отче наш…
__________
От сна восстав, благодарю Тя, Святая Троице, яко многия ради Твоея благости и долготерпения, не прогневался еси на мя, ленивого и грешного, нижé погубил мя еси со беззаконьми моими, но человеколюбствовал, если обычно, и в нечаянии лежащего воздвигл мя еси, во еже ýтренивати и славословити державу Твою. И ныне просвети мои очи мысленные, отверзи моя уста, поучатися словесем Твоим, и разумети заповеди Твоя, и творити волю Твою, и пети Тя во исповедании сердечнем, и воспевати всесвятое имя Твое, Отца и Сына и Святаго Духа, ныне и присно и во веки веков. Аминь.
__________
К Тебе, Владыко человеколюбче, от сна востав, прибегаю, и на дела Твоя подвизаюся милосердием Твоим, и молюся Тебе: помози мне на всякое время во всякой вещи, и избави мя от всякия мирския злыя вещи и дьявольского поспешения, и спаси мя, и введи в Царство Твое вечое. Ты бо еси мой сотворитель и всякому благу промысленник и податель, о Тебе же все упование мои, и Тебе славу воссылаю ныне и присно и во веки веков. Аминь.