Ирмо́с: Услы́ша проро́к прише́ствие Твое, Го́споди, и убоя́ся, я́ко хо́щеши от Де́вы роди́тися и челове́ком яви́тися, и глаго́лаше: услы́шах слу́х Тво́й и убоя́хся: сла́ва си́ле Твое́й, Го́споди.
Преподо́бне о́тче на́ш Паи́сие, моли́ Бо́га о на́с.
Незло́бивый име́л еси нра́в и кро́ткое се́рдце, не прие́млющее зло́бы на открыва́ющих тебе сию, о́тче на́ш Паи́сие: но я́коже от нея, ко о́ным зло́сть забве́нию предая, по́мощи же ру́ку ско́ро подая, восхища́л еси от всева́ющаго ю.
Преподо́бне о́тче на́ш Паи́сие, моли́ Бо́га о на́с.
Сме́рть твоя честна́, но ско́ра и безве́стна: прише́дши не зело по́здно, но ско́ро и самовла́стно, восхи́тивши тя, оста́вила е́сть на́с си́рых, и от пла́ча неуте́шных.
Сла́ва Отцу́ и Сы́ну и Свято́му Ду́ху.
А́ще и зело оскорби́х и огорчи́х твое се́рдце: но уви́дев его незло́бие, припа́даю и молю́ тя: помяни и мене, иде́же предста́л еси пред Богом, да не отринове́н бу́ду и та́мо тебе и слове́снаго твоего ста́да.
И ны́не и при́сно и во ве́ки веко́в. Ами́нь.
Со име́вшим на Тя упова́ние па́стырем на́шим моли́ся, Влады́чице, Сы́ну Твоему Христу Бо́гу на́шему, за ны оста́вшияся под Твои́м покро́вом: да сподо́бит ны грешныя ца́рствия Своего.