Ирмос: Утверди мене́, Христе́, на недви́жимом ка́мени за́поведей Твои́х/ и просвети мя све́том лица́ Твоего́:/ несть бо свят, па́че Тебе́, Человеколю́бче.
Преподобне отче Максиме, моли Бога о нас.
Утвердил еси́, преподо́бне Макси́ме, в се́рдце свое́м Боже́ственный страх, / вся по́хоти плотска́я возненави́дев, / се́го ра́ди умудри́лся еси́, я́коже прост младе́нец,/ и вслед Го́сподеви восте́кл еси́.
Преподобне отче Максиме, моли Бога о нас.
Утвержде́нием име́я распе́ншагося Господа Иису́са Христа́, / стра́нен, незна́ем, бездомен, безоте́чествен, / безъиме́нен, безсмыслен был еси́, преподобие Макси́ме, / пред свои́ми сродники, зна́емыми и дру́ги.
Сла́ва Отцу́ и Сы́ну и Свято́му Ду́ху.
Утвержда́яся на за́поведех Господних, / от горести темни́чныя был еси́ на мног час, я́ко мертв, / но де́ял еси́ о злонравных моли́тву, си́це глаго́ля:/ Господи, Иису́се Христе́, Сыне Бо́га Жива́го,/ не поста́ви им греха́ сего́, клеве́щущих на мя непра́вду.
И ны́не и при́сно и во ве́ки веко́в, ами́нь.
Утверди́ нас к хвале́нию Твоему́, Де́во, / и сохрани́ без вре́да от всякия ко́зни лука́ваго, / и сподо́би стоя́ния одесну́ю Единоро́днаго Сына Твоего́, / Ему́же подоба́ет всякая сла́ва, честь и поклоне́ние во ве́ки веков.