Рече́ Госпо́дь к Моисе́ю и Ааро́ну в земли́ Еги́петстей, глаго́ля: ме́сяц сей вам нача́ло ме́сяцей, пе́рвый бу́дет вам в ме́сяцех ле́та. Рцы ко всему́ со́нму сыно́в Изра́илевых, глаго́ля: в деся́тый ме́сяца сего́ да во́змет ки́йждо овча́ по домо́м оте́честв, ки́йждо овча́ по до́му. А́ще же ма́ло их есть в дому́, я́ко недово́льным бы́ти на овча́, да во́змет с собо́ю сосе́да бли́жняго своего́ по числу́ душ, ки́йждо дово́льное себе́ сочте́т на овча́. Овча́ соверше́нно, му́жеск пол, непоро́чно и единоле́тно бу́дет вам, от а́гнец и от ко́злищ прии́мете. И бу́дет вам соблюде́но даже до четвертагона́десять дне ме́сяца сего́: и зако́лют то все мно́жество собо́ра сыно́в Изра́илевых к ве́черу. И прии́мут от кро́ве, и пома́жут на обою́ подво́ю, и на пра́гах в доме́х, в ни́хже снедя́т то́е. И снедя́т мяса́ в нощи́ той пече́на огне́м, и опресно́ки с го́рьким зе́лием снедя́т. Не сне́сте от них су́рово, ниже́ варе́но в воде́, но пече́ное огне́м, главу́ с нога́ми и со утро́бою. Не оста́вите от него́ до у́трия, и ко́сти не сокруши́те от него́: оста́нки же от него́ до у́тра огне́м сожже́те. Си́це же сне́сте е́: чресла́ ва́ша препоя́сана, и сапо́зи ва́ши на нога́х ва́ших, и жезлы́ ва́ши в рука́х ва́ших: и сне́сте е́ со тща́нием: Па́сха есть Госпо́дня.
Чтение Исхода [12:1–11]
Сказал Господь Моисею: «Месяц этот для вас — начало месяцев, он будет для вас первым среди месяцев года. Так скажи всему собранию сынов Израиля: “В десятый день этого месяца пусть возьмут все барашков по домам отцовским, по барашку на дом, если же слишком мало их будет в доме, недостаточно на барашка, пусть возьмут с собой ещё ближнего соседа своего; по числу душ на барашка пусть рассчитает каждый, чтобы хватало ему. Пусть будет он у вас совершенным, без порока, однолетним, мужского пола; берите его из агнцев и козлят. И пусть будет он у вас сбережён до четырнадцатого дня сего месяца, и пусть заколет его всё множество собрания сынов Израилевых к вечеру, и возьмут от крови его и нанесут на два дверных косяка и на притолоку в домах, где будут есть его. И пусть съедят это мясо испечённым на огне и пусть едят опресноки на горьких травах. И не ешьте его сырым или сваренным в воде, но испечённым на огне: голову с ногами и внутренностями. Не оставляйте от него ничего до утра, и да не будет сломана кость его; а оставшееся от него до утра сожгите в огне. Так ешьте его, чтобы были бёдра ваши препоясаны, и обувь — на ногах ваших, и посохи ваши — в руках ваших. И ешьте его с поспешностью. Это — Пасха Господня”».
Проро́чества Ио́нина чте́ние (Ион.1:1–16; 2:1–3).
Бысть сло́во Госпо́дне ко Ио́не, сы́ну Амафи́ину, глаго́ля: Воста́ни и иди́ в Ниневи́ю град вели́кий, и пропове́ждь в нем, я́ко взы́де вопль зло́бы его́ ко Мне. И воста́ Ио́на, е́же бежа́ти в Фарси́с от лица́ Госпо́дня: и сни́де во Иоппи́ю, и обре́те кора́бль иду́щ в Фарси́с: и даде́ нае́м свой, и вни́де вонь плы́ти с ни́ми в Фарси́с от лица́ Госпо́дня. И Госпо́дь воздви́же ветр ве́лий на мо́ри, и бысть бу́ря вели́кая в мо́ри, и кора́бль бе́дствоваше е́же сокруши́тися. И убоя́шася корабе́льницы, и возопи́ша ки́йждо к бо́гу своему́, и измета́ние сотвори́ша сосу́дов, и́же в корабли́, в мо́ре, е́же облегчи́тися от них; Ио́на же сни́де во дно корабля́, и спа́ше ту и храпля́ше. И прии́де к нему́ ко́рмчий и рече́ ему́: что ты хра́плеши? Воста́ни и моли́ Бо́га твоего́, я́ко да спасе́т ны Бог, да не поги́бнем. И рече́ ки́йждо ко и́скреннему своему́: прииди́те ве́ржем жре́бия, и уразуме́ем, кого́ ра́ди есть зло́ сие́ на на́с; и метну́ша жре́бия, и паде́ жре́бий на Ио́ну. И ре́ша к нему́: возвести́ нам, кого́ ра́ди сие́ зло на нас, и что твое́ де́лание есть, и отку́ду гряде́ши, и ка́мо и́деши, и от ко́ея страны́, и от ки́их люде́й еси́ ты? И рече́ к ним: раб Госпо́день есмь аз, и Го́спода Бо́га Небе́снаго аз чту, Иже сотвори́ мо́ре и су́шу. И убоя́шася му́жие стра́хом вели́ким и ре́ша к нему́: что сие́ сотвори́л еси́? Зане́ разуме́ша му́жие, я́ко от лица́ Госпо́дня бежа́ше, я́ко возвести́ им. И ре́ша к нему́: что тебе́ сотвори́м, и утоли́тся мо́ре от нас? зане́ мо́ре восхожда́ше, и воздвиза́ше па́че волне́ние. И рече́ к ним Ио́на: возми́те мя, и вве́рзите в мо́ре, и утоли́тся мо́ре от вас: поне́же позна́х аз, я́ко мене́ ра́ди волне́ние сие́ вели́кое на вы есть. И нужда́хуся му́жие возврати́тися к земли́ и не можа́ху, я́ко мо́ре восхожда́ше и воздвиза́шеся па́че на них. И возопи́ша к Го́сподеви, и ре́ша: ника́коже, Го́споди, да не поги́бнем души́ ра́ди челове́ка сего́, и не даждь на нас кро́ве пра́ведныя: зане́ Ты, Го́споди, я́коже восхоте́л, сотвори́л еси́. И взя́ша Ио́ну и вверго́ша его́ в мо́ре, и преста́ мо́ре от волне́ния своего́. И убоя́шася му́жие стра́хом вели́ким Го́спода, и пожро́ша же́ртву Го́сподеви, и помоли́шася моли́твами. И повеле́ Госпо́дь ки́ту вели́кому пожре́ти Ио́ну: и бе Ио́на во чре́ве ки́тове три дни и три но́щи. И помоли́ся Ио́на ко Го́споду Бо́гу своему́ от чре́ва ки́това, и рече́: