Бытия́ чте́ние (Быт.1:1–13).
В нача́ле сотвори́ Бог не́бо и зе́млю. Земля́ же бе́ неви́дима и неустро́ена, и тьма́ верху́ бе́здны: и Дух Бо́жий ноша́шеся верху́ воды́. И рече́ Бог: да бу́дет свет, и бысть свет. И ви́де Бог свет, я́ко добро́: и разлучи́ Бог между́ све́том, и между́ тьмо́ю. И нарече́ Бог свет день, а тьму нарече́ нощь. И бысть ве́чер, и бысть у́тро, день еди́н. И рече́ Бог: да бу́дет твердь посреде́ воды́, и да бу́дет разлуча́ющи посреде́ воды́ и воды́: и бысть та́ко. И сотвори́ Бог твердь: и разлучи́ Бог между́ водо́ю, я́же бе под тве́рдию, и между́ водо́ю, я́же бе над тве́рдию. И нарече́ Бог твердь не́бо, и ви́де Бог, я́ко добро́: и бысть ве́чер, и бысть у́тро, день вторы́й. И рече́ Бог: да собере́тся вода́, я́же под небесе́м, в собра́ние еди́но, и да яви́тся су́ша: и бысть та́ко. И собра́ся вода́, я́же под небесе́м, в собра́ния своя́, и яви́ся су́ша. И нарече́ Бог су́шу, зе́млю, и собра́ния вод нарече́ моря́, и ви́де Бог, я́ко добро́. И рече́ Бог: да прорасти́т земля́ бы́лие травно́е, се́ющее се́мя по ро́ду и по подо́бию, и дре́во плодови́тое творя́щее плод, ему́же се́мя его́ в нем по ро́ду на земли́: и бысть та́ко. И изнесе́ земля́ бы́лие травно́е, се́ющее се́мя по ро́ду и по подо́бию, и дре́во плодови́тое творя́щее плод, ему́же се́мя его́ в нем по ро́ду на земли́: и ви́де Бог, я́ко добро́. И бысть ве́чер, и бысть у́тро, день тре́тий.
Чтение Бытия [1:1–13]
В начале сотворил Бог небо и землю. Земля же была невидима и неустроена, и тьма поверх бездны, и Дух Божий носился поверх воды. И сказал Бог: «Да будет свет». И возник свет. И увидел Бог свет, что это хорошо, и отделил Бог свет от тьмы. И назвал Бог свет днём, а тьму назвал ночью. И был вечер, и было утро: день один. И сказал Бог: «Да будет твердь посреди воды и да отделяет воду от воды». И стало так. И сотворил Бог твердь и отделил Бог воду, которая была под твердью, от воды, которая была над твердью. И назвал Бог твердь небом. И увидел Бог, что это хорошо. И был вечер, и было утро: день второй. И сказал Бог: «Да соберётся вода, которая под небом, в одно собрание, и да явится суша». И стало так: и собралась вода, которая под небом, в свои собрания, и явилась суша. И назвал Бог сушу землёй, а собрания вод назвал морями. И увидел Бог, что это хорошо. И сказал Бог: «Да произрастит земля траву луговую, сеющую семя по роду и по подобию, и плодовитое дерево, приносящее плод, которого семя в нём по роду на земле». И стало так. И произвела земля траву луговую, сеющую семя по роду и по подобию, и плодовитое дерево, приносящее плод, семя которого в нём по роду на земле. И увидел Бог, что это хорошо. И был вечер, и было утро: день третий.
Проро́чества Иса́иина чте́ние (Ис.60:1–16).
Свети́ся, свети́ся, Иерусали́ме, прии́де бо твой свет, и сла́ва Госпо́дня на тебе́ возсия́. Се тьма покры́ет зе́млю и мрак на язы́ки, на тебе́ же яви́тся Госпо́дь, и сла́ва Его́ на тебе́ у́зрится. И по́йдут ца́рие све́том твои́м и язы́цы све́тлостию твое́ю. Возведи́ о́крест о́чи твои́, и виждь собра́ная ча́да твоя́: се приидо́ша вси сы́нове твои́ издале́ча, и дще́ри твои́ на ра́мех во́змутся. Тогда́ у́зриши, и возра́дуешися, и убои́шися, и ужа́снешися се́рдцем, я́ко приложи́тся к тебе́ бога́тство морско́е, и язы́ков, и люде́й. И прии́дут к тебе́ стада́ вельблю́д, и покры́ют тя вельблю́ди Мадиа́мстии и Гефа́рстии: вси от Савы́ прии́дут, нося́ще зла́то, и лива́н принесу́т, и ка́мень че́стен, и спасе́ние Госпо́дне благовозвестя́т. И вся о́вцы Кида́рския соберу́тся тебе́, и овни́ Навео́фстии прии́дут к тебе́, и вознесу́тся прия́тная на же́ртвенник Мой, и дом моли́твы Моея́ просла́вится. Ки́и суть, и́же я́ко о́блацы летя́т, и я́ко го́луби со птенцы́ ко Мне? Мене́ о́строви жда́ша, и корабли́ Фарси́йстии в пе́рвых, привести́ ча́да твоя́ издале́ча, и сребро́ и зла́то их с ни́ми, и́мене ра́ди Госпо́дня свята́го, и за е́же Свято́му Изра́илеву сла́вну бы́ти. И сози́ждут сы́нове иноро́днии сте́ны твоя́, и ца́рие их предстоя́ти бу́дут тебе́: за гнев бо Мой порази́х тя, и за ми́лость Мою́ возлюби́х тя. И отве́рзутся врата́ твоя́ при́сно, день и нощь не затворя́тся, ввести́ к тебе́ си́лу язы́к, и цари́ их ведо́мыя. Язы́цы бо и ца́рие, и́же не порабо́тают ти, поги́бнут, и язы́цы запусте́нием запусте́ют. И сла́ва Лива́нова к тебе́ прии́дет, кипари́сом, и пе́вгом, и ке́дром, вку́пе просла́вити ме́сто свято́е Мое́, и ме́сто ног Мои́х просла́влю. И по́йдут к тебе́ боя́щеся сы́нове смири́вших тя, и раздражи́вших тя, и покло́нятся следа́м ног твои́х вси прогне́вавшии тя: и нарече́шися град Госпо́день, Сио́н Свята́го Изра́илева. За сие́, я́ко был еси́ оста́влен и возненави́ден, и не бе помога́ющаго ти: положу́ тя в ра́дость ве́чную, весе́лие родо́м родо́в. И иссе́ши млеко́ язы́ков, и бога́тство царе́й сне́си, и уразуме́вши, я́ко Аз Госпо́дь спаса́яй тя, и избавля́яй тя Бог Изра́илев.
Чтение пророчества Исаии [60:1–16]
Светись, светись, Иерусалим, ибо пришёл твой свет и слава Господня на тебе воссияла. Вот тьма покроет землю, и мрак — народы, а над тобой явится Господь, и слава Его будет видна над тобой. И пойдут цари при свете твоём, и народы — при сиянии твоём. Взгляни вокруг очами твоими и посмотри на собранных чад твоих: вот пришли все сыновья твои издалека, и дочерей твоих на плечах принесут. Тогда увидишь, и обрадуешься, и устрашишься, и содрогнёшься сердцем, потому что перейдёт к тебе богатство моря, и народов и племён. И придут к тебе стада верблюдов, и наполнят тебя верблюды мадиа́мские и гефа́рские. Все придут из Савы́, неся золото, и ладан принесут и драгоценный камень, и спасение Господне будут благовествовать. И все овцы кида́рские соберутся к тебе, и бараны навео́фские придут к тебе, и будут возложены как приятное жертвоприношение на жертвенник Мой, и дом молитвы Моей прославится. Кто это летит ко Мне, как облака и как голуби со своими птенцами? Со Мной Сион, Меня ждали острова и прежде всех корабли фарси́йские, чтобы перевезти детей твоих издалека и серебро и золото их вместе с ними ради святого имени Господня и ради того, чтобы славен был Святой Израиля. И иноземцы построят стены твои, и цари их будут служить тебе, ибо во гневе Моём Я поражал тебя и по милости Моей возлюбил тебя. И будут всегда, днём и ночью, открыты врата твои, Иерусалим, и не будут затворяться, чтобы привозили к тебе достояние народов и приводили царей их. Ибо народы и цари, которые не послужат тебе, погибнут, и опустошены будут народы до безлюдья. И слава Ливана к тебе придёт с кипарисом, сосной и кедром, чтобы вместе прославить место святое Моё, и место, где стоят стопы́ Мои, прославлю. И пойдут к тебе с боязнью сыновья унижавших тебя и раздражавших тебя, и поклонятся следам ног твоих все оскорблявшие тебя, и будешь называться: город Господень, Сион Святого Израилева. За то, что ты был оставлен и ненавидим, и не было у тебя защитника, Я сделаю тебя радостью вечной, весельем в роды родов. И будешь насыщаться молоком народов и питаться богатством царей, и узнаешь, что Я — Господь Спаситель твой и Избави́тель твой, Бог Израиля.
Исхо́да чте́ние (Исх.12:1–11).