Прокимен (псалом 135), глас 4: Испове́дайтеся Бо́гу Небе́сному, я́ко благ,/ я́ко в век ми́лость Его́.
Стих: Испове́дайтеся Бо́гу бого́в, я́ко во век ми́лость Его́.
Прокимен (псалом 135), глас 4: Хвалу́ воздава́йте Бо́гу Небе́с, и́бо ве́чна ми́лость Его́!
Стих: Хвалу́ воздава́йте Бо́гу бого́в, и́бо ве́чна ми́лость Его
Исхо́да чте́ние (Исх.2:11–22).
Бысть во дни мно́гия о́ны, вели́к быв Моисе́й, изы́де к бра́тиям свои́м, сыно́м Изра́илевым. Разуме́в же боле́знь их, ви́де челове́ка еги́птянина бию́ща не́коего евре́анина от бра́тии его́ сыно́в Изра́илевых. Обозре́вся же се́мо и ова́мо, никого́же ви́де: и порази́в еги́птянина, скры его́ в песце́. Изше́д же во вторы́й день, ви́де два му́жа евре́анина бию́щася и глаго́ла оби́дящему: чесо́ ра́ди ты бие́ши и́скренняго? Он же рече́: кто тя поста́ви кня́зя и судию́ над на́ми? еда́ уби́ти мя ты хо́щеши, и́мже о́бразом уби́л еси́ вчера́ еги́птянина? Убоя́ся же Моисе́й и рече́: а́ще си́це явле́н бысть глаго́л сей? Услыша же фарао́н глаго́л сей и иска́ше уби́ти Моисе́я. Оты́де же Моисе́й от лица́ фарао́нова и всели́ся в земли́ Мадиа́мстей: прише́д же в зе́млю Мадиа́мскую, се́де при кла́дязе. Свяще́ннику же мадиа́мскому бе́ша седмь дще́рей, пасу́щих о́вцы отца́ своего́ Иофо́ра: прише́дше же че́рпаху, до́ндеже напо́лниша корыта, напои́ти о́вцы отца́ своего́ Иофо́ра. Пришедше же па́стырие, изгна́ша я. Воста́в же Моисе́й изба́ви их, и налия́ им и напои́ о́вцы их. Приидо́ша же к Рагуи́лу отцу́ своему́: он же рече́ им: что я́ко ускоря́ете приити́ днесь? о́ныя же реко́ша: челове́к еги́птянин изба́ви нас от па́стырей, и начерпа́ нам и напои́ о́вцы на́ша. Он же рече́ дще́рем сво́им: и где есть? И вску́ю си́це оста́висте челове́ка? Призови́те у́бо его́, да яст хлеб. Всели́ся же Моисе́й у челове́ка: и даде́ Сепфо́ру дщерь свою́ Моисе́ю в жену́. Во чре́ве же заче́нши жена роди́ сына, и нарече́ Моисе́й и́мя ему́, Гирса́м, глаго́ля: я́ко пришле́ц есмь в земли́ чужде́й. Еще́ же заче́нши роди́ сына втора́го, и нарече́ и́мя ему́, Елиезе́р, глаго́ля: Бог бо отца́ моего́ Помо́щник мой и изба́ви мя из руки́ фарао́новы.
Чтение Исхода [2:11–22]
По прошествии многих дней, став взрослым, Моисей вышел к братьям своим, сынам Израиля, и обнаружил страдание их. И увидел он, как египтянин бьёт одного еврея из братьев его, сынов Израиля. И, оглядевшись по сторонам, никого не увидел и, поразив египтянина, схоронил его в песке. Выйдя же на другой день, увидел он ссору двух мужчин евреев и сказал обидчику: «Почему ты бьёшь ближнего?» Тот же сказал: «Кто тебя поставил начальником и судьёй над нами? Не хочешь ли ты убить меня, как убил вчера египтянина?» Моисей же испугался и сказал: «Неужели так известно стало событие это?» И услышал фараон о событии этом и стремился убить Моисея. И удалился Моисей от лица фараона и поселился в земле Мадиа́м. Придя же в землю Мадиа́м, он сел у колодца. А у жреца мадиамского было семь дочерей, которые пасли овец отца своего; придя туда, они черпали, чтобы наполнить корыта и напоить овец отца своего. Но пришедшие пастухи прогнали их; Моисей же встал и защитил их, и начерпал для них и напоил овец их. Они же пришли к Рагуи́лу, отцу своему, и он сказал им: «Что это вы сегодня поспешили прийти?» Они же сказали: «Человек египтянин защитил нас от пастухов, и начерпал воды для нас и напоил овец наших». Он же сказал дочерям своим: «И где он? Зачем вы та́к оставили этого человека? Позовите его, чтобы он поел хлеба». И поселился Моисей у этого человека, и он отдал дочь свою Сепфо́ру Моисею в жёны. И, приняв во чреве, родила жена сына, и Моисей нарёк ему имя Гирса́м, сказав: «Иноземец я в земле чужой». А имя второму нарёк Елиезе́р, ибо «Бог отца моего — помощник мой и избавил меня от руки фараона».
Прокимен (псалом 137), глас 4: Го́споди, ми́лость Твоя́ во век,/ дел руку́ Твое́ю не пре́зри.
Стих: Испове́мся Тебе́, Го́споди, всем се́рдцем мои́м, и пред а́нгелы воспою́ Тебе́.
Прокимен (псалом 137), глас 4: Ми́лость Твоя́, Го́споди, наве́к – не пренебреги́ созда́ниями рук Твои́х!
Стих: Бу́ду сла́вить, Го́споди, Тебя́ всем свои́м се́рдцем и перед а́нгелами бу́ду воспева́ть Тебя́.
И́ова чте́ние (Иов.2:1–10).
Бысть я́ко день сей, и приидо́ша А́нгели Бо́жии предста́ти пред Го́сподем, и диа́вол прии́де посреде́ их предста́ти пред Го́сподем. И рече́ Госпо́дь диа́волу: отку́ду ты гряде́ши? Тогда́ рече́ диа́вол пред Го́сподем: проше́д поднебе́сную и обше́д всю зе́млю, приидо́х. И рече́ Госпо́дь к диа́волу: внял ли еси́ у́бо (мы́слию твое́ю) рабу́ Моему́ И́ову? я́ко несть такова́ от су́щих на земли́: челове́к незло́бив, и́стинен, непоро́чен, благочести́в, удаля́яся от вся́каго зла, еще́ же придержи́тся незло́бия: ты же рекл еси́ име́ния его́ погуби́ти вотще́. Отвеща́в же диа́вол Го́сподеви, рече́: ко́жу за ко́жу, и вся ели́ка и́мать челове́к, даст за ду́шу свою́. Оба́че посли́ ру́ку Твою́, и косни́ся косте́м его́ и пло́ти его́, а́ще не в лице́ Тя благослови́т. Рече́ же Госпо́дь диа́волу: се предаю́ ти его́, то́кмо ду́шу его́ соблюди́. Изы́де же диа́вол от лица́ Госпо́дня, и порази́ И́ова гно́ем лю́тым от ногу́ да́же до главы́. И взя (Иов) чреп, да острога́ет гно́й свой, и той седя́ше на гно́ищи вне гра́да. Вре́мени же мно́гу мину́вшу, рече́ к нему́ жена́ его: доко́ле терпи́ши глаго́ля: се пожду́ вре́мя еще́ ма́ло, ча́я наде́жди спасе́ния моего́? се бо потреби́ся от земли́ па́мять твоя́, сы́нове твои́ и дще́ри, моего́ чре́ва боле́зни и труды́, и́миже вотще́ труди́хся с боле́зньми: ты же сам в гнои́ черве́й седи́ши, обнощева́я вне без покро́ва, и аз скита́ющися и служа́щи, ме́сто от ме́ста преходя́щи, и дом от до́му, ожида́ющи со́лнца когда́ за́йдет, да почи́ю от трудо́в мои́х и от боле́зней, я́же мя ны́не обдержа́т. Но рцы глаго́л некий ко Го́споду, и умри́. Он же воззре́в рече́ к ней: вску́ю я́ко еди́на от безу́мных жен возглаго́лала еси́? а́ще блага́я прия́хом от руки́ Госпо́дни, злых ли не стерпи́м? Во всех сих приключи́вшихся ему, ничи́мже согреши́ И́ов устна́ма пред Бо́гом, (и не даде́ безу́мия Бо́гу).
Чтение И́ова [2:1–10]
Было в один день: когда пришли Ангелы Божии предстать перед Господом, и диавол среди них пришёл предстать перед Господом. И сказал Господь диаволу: «Откуда ты идёшь?» Тогда диавол сказал Господу: «Я прошёл поднебесную, и обошёл всю землю, и пришёл». И сказал Господь диаволу: «Обратил ли ты внимание на раба Моего И́ова? Ибо такого, как он, нет на земле, человека, подобного ему: он незлобивый, праведный, истинный, богобоязненный, удаляющийся от всякого зла и до сих пор непоколебим в непорочности, а ты сказал, чтобы безвинно погубить его достояние». И ответил диавол и сказал Господу: «Кожу — за кожу, а за душу свою всё, что имеет человек, отдаст. Но простри руку Твою и коснись костей его и плоти его, и он в лицо не благословит ли Тебя». И сказал Господь диаволу: «Вот, Я передаю его тебе, только душу его сохрани». И отошёл диавол от лица Господня, и поразил И́ова лютой, гнойной болезнью от ног вплоть до головы. И взял И́ов черепицу, чтобы соскабливать гной с себя, и сидел он на гноище вне города. По прошествии многого времени сказала И́ову жена его: «Доколе ты будешь терпеть, говоря: “Вот, ещё немного потерплю, ожидая спасения моего”? Ибо вот, изгладилась с земли память о тебе — сыновья твои и дочери, болезни и труды чрева моего, которые я тщетно болезненно переносила! Сам же ты сидишь, покрытый гноем и червями, ночуя вне жилища без покрова, а я, скитаясь и служа, переходя с места на место и из дома в дом, ожидаю, когда зайдёт солнце, чтобы отдохнуть от трудов моих и болезней, удручающих ныне меня. Но скажи некое слово Господу и умри». Он же, посмотрев на неё, сказал: «Почему ты говоришь, как одна из безумных женщин? Если доброе мы получаем от руки Господа, то плохого не перенесём ли?» Во всех этих случаях с ним И́ов не согрешил нисколько устами своими и не обнаружил безумия по отношению к Богу.