Светоза́рный свети́льник незаходи́маго со́лнца пра́вды Христа́ бы́л еси в жи́зни земне́й, о́тче Силуа́не, свети́вый сло́вом и о́бразом свята́го жития твоего, и мно́гим пу́ть спа́си́тельный ко Христу́ показа́л еси, и́мже са́м неукло́нно ше́ствовал еси. те́мже и по бла́же́ннем отше́ствии твое́м в го́рния оби́тели просвеща́еши сердца ве́рных и к ра́зуму боже́ственному все́х наставля́еши, поуча́я и на́с ра́достно воспева́ти тебе:
Ра́дуйся, фимиа́м бла́гово́нный, от свя́ты́я горы афо́нския Бо́гу принесе́нный:
ра́дуйся, в ра́дость Го́спода твоего вше́дый.
Ра́дуйся, вруче́нный тебе тала́нт преумно́живый:
ра́дуйся, мзду ве́лию на небе́си получи́вый.
Ра́дуйся, ра́зума духо́внаго сокро́вище:
ра́дуйся, благи́й и́ноков наста́вниче.
Ра́дуйся, сто́лпе светоза́рный, мра́к вражды прогоня́ющий:
ра́дуйся, но́вый свети́льниче ве́ры, во дни на́ша пу́ть к Бо́гу указу́ющий.
Ра́дуйся, свеще афо́нская, огне́м любве к Бо́гу возжже́нная:
ра́дуйся, звездо пресве́тлая, все́х ублажа́ющих тя озаря́ющая.
Ра́дуйся, прича́стниче неизрече́нныя ра́йския красоты́:
ра́дуйся, я́ко с го́рними си́лами а́нгельски Го́спода славосло́виши.
Ра́дуйся, преподо́бне Силуа́не, пропове́дниче любви ко враго́м и наста́вниче смире́нию и моли́тве.