Та́ко глаго́лет Госпо́дь: се уразуме́ет о́трок Мой, и вознесе́тся и просла́вится зело́. Я́коже ужа́снутся о Тебе́ мно́зи, та́ко обезсла́вится от челове́к вид Твой, и сла́ва Твоя́ от сыно́в челове́ческих. Та́ко удивя́тся язы́цы мно́зи о Нем, и заградя́т ца́рие уста́ своя́: я́ко, имже не возвести́ся о Нем, у́зрят, и и́же не слы́шаша, уразуме́ют. Го́споди, кто ве́рова слу́ху на́шему? И мы́шца Госпо́дня кому́ откры́ся? Возвести́хом, я́ко отроча́ пред Ним, я́ко ко́рень в земли́ жа́ждущей, несть ви́да Ему́, ниже́ сла́вы: и ви́дехом Его́, и не имя́ше ви́да, ни добро́ты. Но вид Его́ безче́стен, ума́лен па́че всех сыно́в челове́ческих: челове́к в я́зве сый, и ве́дый терпе́ти боле́знь, я́ко отврати́ся лице́ Его́, безче́стно бысть, и не вмени́ся. Сей грехи́ на́ша но́сит, и о нас боле́знует, и мы вмени́хом Его́ бы́ти в труде́, и в я́зве от Бо́га, и во озлобле́нии. Той же я́звен бысть за грехи́ на́ша, и му́чен бысть за беззако́ния на́ша, наказа́ние ми́ра на́шего на Нем, я́звою Его́ мы исцеле́хом. Вси я́ко о́вцы заблуди́хом: челове́к от пути́ своего́ заблуди́, и Госпо́дь предаде́ Его́ грех ра́ди на́ших. И Той, зане́ озло́блен бысть, не отверза́ет уст Свои́х: я́ко овча́ на заколе́ние веде́ся, и я́ко а́гнец пред стригу́щим его́ безгла́сен, та́ко не отверза́ет уст Свои́х. Во смире́нии Его́ суд Его́ взя́тся: род же Его́ кто испове́сть? я́ко взе́млется от земли́ живо́т Его́, ра́ди беззако́ний люде́й Мои́х веде́ся на сме́рть. И дам лука́выя вме́сто погребе́ния Его́, и бога́тыя вме́сто сме́рти Его́, я́ко беззако́ния не сотвори́, ниже́ обре́теся лесть во усте́х Его́. И Госпо́дь хо́щет очи́стити Его́ от я́звы: а́ще да́стся о гресе́, душа́ ва́ша у́зрит се́мя долгоживо́тное. И хо́щет Госпо́дь руко́ю Свое́ю отъя́ти боле́знь от души́ Его́, яви́ти Ему́ све́т, и созда́ти ра́зумом, оправда́ти Пра́веднаго, благослужа́ща мно́гим, и грехи́ их Той понесе́т. Сего́ ра́ди Той насле́дит мно́гих, и кре́пких раздели́т коры́сти: зане́ предана́ бысть на смерть душа́ Его́, и со беззако́нными вмени́ся: и Той грехи́ мно́гих вознесе́, и за беззако́ния их пре́дан бы́сть. Возвесели́ся непло́ды неражда́ющая, возгласи́ и возопи́й нечревоболе́вшая: я́ко мно́га ча́да пусты́я па́че, не́жели иму́щия му́жа.
Чтение пророчества Исаии [52:13–15; 53: 1–12; 54: 1]
Так говорит Господь: вот, уразумеет Отрок Мой и возвысится, и прославится и весьма превознесётся. Как многие ужаснутся, смотря на Тебя: так вид Твой будет обесславлен людьми и слава Твоя сыновьями человеческими! Так удивятся многие народы о Нём, и затворят цари уста свои, ибо они увидят то, что не было возвещено о Нём, и узнают то, чего не слышали. Господи! Кто поверил слышанному от нас и кому открылась рука Господня? Мы возвестили, что Отрок перед Ним, как корень в жаждущей земле: нет у Него ни вида, ни славы, и мы видели Его: и не имел Он ни вида, ни красоты. Но вид Его бесчестен, умалён более всех сыновей человеческих; человек в ранах, умеющий претерпевать болезни, так что отворачивались от лица Его, Его бесчестили и ни во что не ставили. Он грехи наши носит и о нас мучение претерпевает, а мы думали, что Он находится в бедствии, и ранах и страдании от Бога. Но Он изранен был за беззакония наши и истощён был за грехи наши, наказание мира нашего было на Нем, раной Его мы исцелились. Все мы, как овцы, блуждали: каждый сбился со своего пути, и Господь отдал Его за грехи наши. А Он, несмотря на мучение, не раскрывает уст Своих: как овца веден был на заклание и как агнец пред стригущим его безгласен, так Он не раскрывает уст Своих. В уничижении Его суд Его совершился. Род же Его кто разъяснит? Ибо берётся от земли жизнь Его, за беззакония народа Моего отведён на смерть. И предам лукавых за погребение Его и богатых за смерть Его, ибо Он не совершил беззакония и не было обмана в устах Его. И Господу угодно очистить Его от раны; а когда Он предан будет за грех, душа ваша увидит долговечное потомство. И Господу угодно Своей рукой удалить страдание от души Его, явить Ему свет и даровать разум, оправдать Праведника, послужившего ко благу многих. И грехи их Он понесёт. Поэтому Он получит в наследие многих и разделит добычу с сильными, за то что на смерть предана была душа Его, и Он причилен к беззаконникам, и Он грехи многих понёс и за грехи их отдан. Будь радостна, бесплодная, не рождающая, заговори с радостью и воскликни, не страдавшая в ро́дах, ибо у лишённой гораздо больше детей, чем у имеющей мужа.