Прокимен (псалом 110), глас 4: Нача́ло прему́дрости/ стра́х Госпо́день.
Стих: Испове́мся Тебе́, Го́споди, все́м се́рдцем мои́м: в сове́те пра́вых и со́нме ве́лия дела́ Госпо́дня.
Прокимен (псалом 110), глас 4: Прему́дрости нача́ло – страх Госпо́день.
Стих: Я просла́влю Тебя́, Го́споди, всем свои́м се́рдцем! В собра́нии и со́нме пра́ведных велики́ дела́ Госпо́дни!
Бытия́ чте́ние. [Быт.31:3–16]
Рече́ Госпо́дь ко Иа́кову: возврати́ся в зе́млю отца́ твоего́, и в ро́д тво́й, и бу́ду с тобо́ю. Посла́в же Иа́ков, призва́ Ли́ю и Рахи́ль на по́ле, иде́же бя́ху стада́. И рече́ и́м: ви́жду а́з лице́ отца́ ва́шего, я́ко не́сть ко мне́, я́коже вчера́ и тре́тияго дне́: Бо́г же отца́ моего́ бе́ со мно́ю. И вы́ са́ми ве́сте, я́ко все́ю си́лою мое́ю рабо́тах отцу́ ва́шему. Оте́ц же ва́ш оби́де мя́, и измени́ мзду́ мою́ десяти́ а́гнцев: но не даде́ ему́ Бо́г зла́ сотвори́ти мне́. А́ще си́це рече́т: пе́стрыя бу́дет твоя́ мзда́: и родя́тся вся́ о́вцы пе́стрыя. а́ще же рече́т: бе́лыя бу́дет твоя́ мзда́: и родя́тся вся́ о́вцы бе́лыя. И отя́ Бо́г вся́ скоты́ отца́ ва́шего, и даде́ я́ мне́. И бы́сть егда́ зачина́ху о́вцы во чре́ве прие́млюще: и ви́дех очи́ма мои́ма во сне́: и се́ козлы́ и овны́ восходя́ще бя́ху на о́вцы и ко́зы, белова́тыя и пе́стрыя, и пепелови́дныя пе́стрыя. И рече́ ми А́нгел Бо́жий во сне́: Иа́кове. а́з же ре́х, что́ есть, И рече́: воззри́ очи́ма твои́ма, и ви́ждь козлы́ и овны́ восходя́щыя на о́вцы и ко́зы бе́лыя, и пе́стрыя, и пепелови́дныя пе́стрыя: ви́дех бо, ели́ка тебе́ Лава́н твори́т. А́з е́смь Бо́г яви́выйся тебе́ на ме́сте Бо́жии, иде́же пома́зал ми́ еси́ та́мо сто́лп, и обетова́л ми́ еси́ та́мо обе́т: ны́не у́бо воста́ни и изы́ди от земли́ сея́, и иди́ в зе́млю рожде́ния твоего́, и бу́ду с тобо́ю. И отвеща́вше Рахи́ль и Ли́а, реко́сте ему́: еда́ е́сть на́м еще́ ча́сть или́ насле́дие в дому́ отца́ на́шего? Не я́ко ли чужды́я вмени́хомся ему́? продаде́ бо на́с, и снеде́ сне́дию сребро́ на́ше. Все́ бога́тство и сла́ва, ю́же отя́ Бо́г от отца́ на́шего, на́м бу́дет и ча́дом на́шым: ны́не у́бо ели́ка тебе́ рече́ Бо́г, твори́.
Чтение Бытия [31:3–16]
Сказал Господь Иакову: «Возвращайся в дом отца твоего и к роду твоему, и Я буду с тобой». Иаков же, послав, призвал Ли́ю и Рахи́ль на поле со стадами и сказал им: «Вижу я по лицу вашего отца, что он не так относится ко мне, как вчера и позавчера; Бог же отца моего был со мной. И сами вы знаете, что я изо всех своих сил служил отцу вашему. Отец же ваш обманул меня и изменил плату мою на десять ягнят, но Бог отца моего не дал ему нанести мне вред. Если он скажет так: “Пёстрые будут твоей платой”, то все овцы будут рождаться пёстрыми, а если скажет: “Твоей платой будут белые”, то все овцы будут рождаться белыми. И отнял Бог весь домашний скот у отца вашего и дал его мне. И было так, что когда настало время спаривания у скота, я увидел глазами своими во сне: и вот, козлы и бараны покрывали овец и коз, и беловатые, и пестрые и пепельно-пятнистые. И сказал мне ангел Божий во сне: “Иаков, Иаков!” Я же сказал: “Что?” И сказал он: “Посмотри глазами своими, что покрывают овец и коз козлы и бараны и беловатые, и пёстрые и пепельно-пятнистые: ибо Я увидел, как поступает с тобой Лава́н. Я — Бог, Которого ты видел на месте Божием, там, где ты возлил елей мне на памятник и принес мне обет. Итак, сейчас встань и выйди из этой земли и отправляйся в землю рождения твоего, и Я буду с тобой”». И, ответив, Ли́я и Рахи́ль сказали ему: «Есть ли у нас еще часть и наследство в доме отца нашего? Разве не считает он нас уже чужими? Ведь он продал нас и поедом поел серебро наше. Всё богатство и слава, которые Бог отнял у отца нашего, будут принадлежать нам и детям нашим. Итак, делай сейчас то, что сказал тебе Бог твой».
Прокимен (псалом 111), глас 4: Ми́лостив, и Ще́др,/ и Пра́веден.
Стих: Блаже́н му́ж боя́йся Го́спода, в за́поведех Его́ восхо́щет зело́.
Прокимен (псалом 111), глас 4: Он – Ми́лостив, и Сострада́телен, и Пра́веден.
Стих: Блаже́н тот челове́к, что Го́спода бои́тся: бу́дет он уси́ленно стреми́ться к Его́ за́поведям.
При́тчей чте́ние. [Притч.21:3–21]
Сы́не, твори́ти пра́ведная, и и́стинствовати, уго́дна Бо́гу па́че не́жели же́ртв кро́вь. Велему́дрый во укори́зне дерзосе́рд: свети́ло же нечести́вых греси́. Помышле́ния тщали́ваго во изоби́лии: и вся́к неради́вый в лише́нии. Де́лаяй сокро́вища язы́ком лжи́вым, су́етная го́нит в се́ти сме́ртныя. Всегуби́тельство на нечести́выя устремля́ется: не хотя́т бо твори́ти пра́ведная. К стро́потным стро́потныя пути́ посыла́ет Бо́г: чи́ста бо и пра́ва дела́ его́. Лу́чше жи́ти во у́гле непокрове́нном, не́жели в пова́пленных с непра́вдою, и в хра́мине о́бщей. Душа́ нечести́ваго не поми́луется ни от еди́наго от челове́ков. Тщету́ прие́млющу невозде́ржному, кова́рнейший бу́дет незло́бивый: разумева́яй же му́дрый прии́мет ра́зум. Разумева́ет пра́ведный сердца́ нечести́вых, и уничтожа́ет нечести́выя в злы́х. И́же затыка́ет ушеса́ своя́, е́же не послу́шати немощна́го, и то́й призове́т, и не бу́дет послу́шаяй его́. Дая́ние та́йно отвраща́ет гне́вы, щадя́й же даро́в воздвиза́ет я́рость кре́пкую. Весе́лие пра́ведных твори́ти су́д: преподо́бный же нечи́ст у злоде́ев. Му́ж заблужда́яй от пути́ пра́вды, в со́нмищи исполи́нов почи́ет. Му́ж ску́ден лю́бит весе́лие, любя́й же вино́ и еле́й не обогати́тся. Отре́бие же пра́веднику беззако́нник. Лу́чше жи́ти в земли́ пу́сте, не́же жи́ти с жено́ю сварли́вою, и язы́чною и гневли́вою. Сокро́вище вожделе́нно почи́ет во усте́х му́драго: безу́мнии же му́жи пожира́ют е́. Пу́ть пра́вды и ми́лостыни обря́щет живо́т и сла́ву.
Чтение книги Притч [21:3–21]
Сын мой, поступать справедливо и жить по истине угоднее Богу, нежели кровь жертв. Гордый до наглости — жесток сердцем, и светильник нечестивых — грехи. Помыслы прилежного более направлены к приобретению, а всякий нерадивый склонен к растрате. Приобретающий сокровища лживым языком гоняется за суетным и попадает в сети смертные. Пагуба постигнет нечестивых, потому что они не хотят совершать праведных дел. Лукавым Бог посылает превратные пути, ибо дела Его чисты и правы. Лучше жить в непокрытом углу, нежели в украшенных комнатах и целом доме, но с неправдой. Душа нечестивого возжелает зла и не найдёт жалости ни у кого из людей. Когда наказывают своевольного человека, неопытный делается мудрее, а понимающий мудрый приобретает знание. Праведный понимает сердца нечестивых и презирает нечестивых за худые дела. Кто затыкает уши свои, чтобы не слышать бедного, тот и сам будет взывать и не будет услышан. Тайный дар уничтожает гнев, а жалеющий дары возбуждает сильную ярость. Радость для праведных — соблюдать правосудие, но честный нечист для злодеев. Человек, сбившийся с пути правды, водворится в собрании исполинов. Бедняк любит веселье, любящий вино и масло не обогатится. Беззаконник — мусор для праведника. Лучше жить в земле пустынной, чем с женой сварливой, гневливой и болтливой. Вожделенное сокровище останется в устах мудрого, а неразумные люди поглощают его. Путь справедливости и милостыни приобретёт жизнь и славу.